സ്വന്തം വീട്ടിലേക്കെന്ന് പറഞ്ഞ് ഭര്‍തൃവീട്ടില്‍ നിന്നിറങ്ങി: പറന്നത് കാമുകനെത്തേടി ഡല്‍ഹിയിലേക്ക് ; യുവതി റിമാന്‍ഡില്‍

വടകര•18 ഉം 14 വയസുള്ള മക്കളെ ഉപേക്ഷിച്ച് കാമുകനെക്കാണാന്‍ ഡല്‍ഹിയിലേക്ക് പറന്ന വീട്ടമ്മ റിമാന്‍ഡില്‍. തിരുവള്ളൂര്‍ പിലാക്കണ്ടി അശോക​​ന്റെ ഭാര്യ ബബിതയെ(43)യാണ് കാമുകനെത്തേടി ഡല്‍ഹിയിലേക്ക് പോയത്. സൈബര്‍ സെല്ലി‍​ന്റെ സഹായത്താല്‍ നടത്തിയ അന്വേഷണത്തില്‍ ഡല്‍ഹിയില്‍ ഉണ്ടെന്ന വിവരം ലഭിച്ചതിനെ തുടര്‍ന്ന് വടകര പൊലീസ് ഡല്‍ഹിയിലെത്തി ഇവരെ കസ്​റ്റഡിയിലെടുക്കുകയായിരുന്നു. തുടര്‍ന്ന് വടകര ജുഡീഷ്യല്‍ ഫസ്​റ്റ്​ ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ ഇവരെ 14 ദിവസത്തേക്ക് റിമാന്‍ഡ് ചെയ്ത് കോഴിക്കോട് വനിതാ ജയിലിലേക്ക് അയച്ചു.

നവംബര്‍ 13ന് മയ്യന്നൂരിലുള്ള സ്വന്തം വീട്ടിലേക്കെന്ന് പറഞ്ഞാണ് ബബിത ഭര്‍തൃവീട്ടില്‍നിന്ന്​ ഇറങ്ങിയയത്. എന്നാല്‍ എങ്ങും എത്താതിരുന്നതിനെത്തുടര്‍ന്ന് ഭര്‍തൃ സഹോദരന്‍ വടകര പൊലീസില്‍ പരാതി നല്‍കുകയായിരുന്നു.

ഡല്‍ഹിയില്‍ ഇന്‍റീരിയല്‍ വര്‍ക്ക് നടത്തുന്ന കാമുകന്‍ ശരത്തി‍​ന്റെ അടുത്തേക്കാണ്​ ബബിത പോയത്. 14 വയസ്സുള്ള മകളെയും 18 വയസ്സുള്ള മകനെയും ഉപേക്ഷിച്ചായിരുന്നു യാത്ര. യാത്രക്കുള്ള ടിക്കറ്റ് ബുക്ക് ചെയ്തത്​ ശരത്തായിരുന്നു. ആറു മാസം മുമ്ബാണ് ശരത്തുമായി പരിചയപ്പെട്ടത്.

സ്വന്തം ഇഷ്​ടപ്രകാരം പോയതാണെന്ന് മൊഴി നല്‍കിയെങ്കിലും പ്രായപൂര്‍ത്തിയാകാത്ത മകളെ ഉപേക്ഷിച്ച്‌ മറ്റൊരാളോടൊപ്പം പോയതിന് ജെ.ജെ ആക്‌ട് 75, കെ.പി ആക്‌ട് 57 ഡി എന്നീ വകുപ്പുകള്‍ പോലീസ് കേസേടുകുകയായിരുന്നു.