മംഗളൂരു: സ്‌കൂള്‍ കിണറ്റില്‍ സാമൂഹിക വിരുദ്ധര്‍ വിഷം കലര്‍ത്തി. ഈ വെള്ളം കുടിച്ച എട്ട് വിദ്യാര്‍ഥികളെ വിഷബാധയേറ്റ നിലയില്‍ ആശുപത്രിയില്‍ പ്രവേശിപ്പിച്ചു. ഇവരില്‍ നാല് കുട്ടികളുടെ നില ഗുരുതരമാണ്.ബെല്‍ത്തങ്ങാടി ഷിബാജെ പെര്‍ള സര്‍ക്കാര്‍ സ്‌കൂളിലെ വിദ്യാര്‍ഥികള്‍ക്കാണ് വിഷബാധയേറ്റത്. തിങ്കളാഴ്ച രാവിലെ കിണറ്റില്‍ നിന്ന് വെള്ളം പമ്പ് ചെയ്ത് സ്‌കൂളിലെ തോട്ടം നനക്കുന്നതിനിടെ ചില വിദ്യാര്‍ഥികള്‍ പൈപ്പില്‍ നിന്ന് വെള്ളം കുടിച്ചിരുന്നു.
ഗവര്‍ണര്‍ക്ക് മാവോയിസ്റ്റ് ഭീകരരുടെ ഭീഷണി കത്ത്: രാജ്ഭവന്‍ തകര്‍ക്കും
അല്‍പസമയം കഴിഞ്ഞപ്പോള്‍ കുട്ടികള്‍ക്ക് വയറു വേദനയും ഛര്‍ദിയും അനുഭവപ്പെട്ടു. തുടര്‍ന്ന് കിണറില്‍ നടത്തിയ പരിശോധനയില്‍ വെള്ളത്തില്‍ വിഷം കലര്‍ത്തിയതായി വ്യക്തമായി.നാല് വിദ്യാര്‍ഥികളെ ഗുരുതര നിലയില്‍ സ്വകാര്യ ആശുപത്രിയിലും മറ്റ് നാല് വിദ്യാര്‍ഥികളെ ബെല്‍ത്തങ്ങാടി താലൂക്ക് ആശുപത്രിയിലുമാണ് പ്രവേശിപ്പിച്ചത്.
Post Your Comments