KeralaLatest NewsNews

നാടിന്റേയും വീടിന്റേയും നൊമ്പരമായി രണ്ടര വയസുകാരന്റെ മരണം : ദാരുണ മരണം സംഭവിച്ചത് മുത്തശ്ശിയുടെ കണ്‍മുന്നില്‍ വെച്ച്

എഴുകോണ്‍: നാടിന്റേയും വീടിന്റേയും നൊമ്പരമായി രണ്ടര വയസുകാരന്റെ മരണം . ചെടിയില്‍ നിന്ന് പൂപറിക്കവേ രണ്ടര വയസുകാരന്‍ കിണറ്റില്‍ വീണ് മരിച്ചു. ബുധനാഴ്ച പകല്‍ 12.30ടെയാണ് സംഭവം. വീടിന് മുന്‍പിലെ കിണറ്റിലാണ് അഭിനവ് വീണത്. പശുവിന് തീറ്റ കൊടുത്ത് നിന്ന മുത്തശ്ശിക്കൊപ്പം കളിക്കുകയായിരുന്നു അഭിനവ്. കിണറിന് സമീപം വെച്ചിരുന്ന മണ്‍ചട്ടിയിലെ ചെടിയില്‍ നിന്ന് പൂപറിക്കാന്‍ ശ്രമിച്ചപ്പോള്‍ കാല്‍ വഴുതി കിണറ്റില്‍ വീഴുകയായിരുന്നു.

Read Also : പ്രാര്‍ത്ഥനകള്‍ ഫലം കണ്ടില്ല; കുഴല്‍ക്കിണറില്‍ വീണ രണ്ട് വയസുകാരന്‍ മരിച്ചു

മുത്തശ്ശിയുടെ കണ്‍മുന്‍പില്‍ വെച്ചാണ് ദുരന്തമുണ്ടായത്. എഴുകോണ്‍ ഇരുമ്പനങ്ങാട് മാറനാട് പള്ളിമുക്ക് സുനില്‍ സദനത്തില്‍ സുനില്‍ കുമാറിന്റേയും നിഷയുടേയും മകന്‍ അഭിനവാണ് മരിച്ചത്. മുത്തശ്ശിയുടെ നിലവിളി കേട്ട് ഓടിയെത്തിയ നാട്ടുകാര്‍ കുഞ്ഞിനെ ഉടനെ തന്നെ കൊല്ലത്തെ സ്വകാര്യ മെഡിക്കല്‍ കോളെജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കിണറിന്റെ ആള്‍മറയ്ക്ക് ഉയരം കുറവായതാണ് അപകടത്തിനിടയാക്കിയത്. സൈനീകനാണ് അഭിനവിന്റെ പിതാവ്. രണ്ട് ദിവസം മുന്‍പാണ് സുനില്‍ അവധിക്ക് നാട്ടിലെത്തിയത്.

Tags

Related Articles

Post Your Comments


Back to top button
Close
Close