കൊച്ചി: മെട്രോ സ്റ്റേഷന് സമീപം കുഴിയില് വീണ് യുവാവ് മരിച്ച സംഭവത്തില് പൊതുമരാമത്ത് വകുപ്പിനെയും ജല അതോറിറ്റിയെയും കുറ്റപ്പെടുത്തി കൊച്ചി മേയര് രംഗത്ത്. കുഴി അടയ്ക്കാന് പലതവണ ആവശ്യപ്പെട്ടിട്ടും അധികൃതർ തയ്യാറായില്ലെന്നാണ് മേയർ സൗമിനി ജെയിൻ വ്യക്തമാക്കുന്നത്. അപകടം ഉണ്ടായ ഭാഗം നന്നാക്കണമെന്ന് അവിടുത്തെ കൗണ്സിലര് പിഡബ്ല്യുഡി ഉദ്യോഗസ്ഥരോട് പല തവണ ആവശ്യപ്പെട്ടതാണ്. പരിഹാരം ഉണ്ടായില്ല.അടിയന്തരമായി കുഴി അടക്കാന് പിഡബ്ല്യുഡിക്ക് നിര്ദ്ദേശം നൽകുമെന്നും അവർ പറയുകയുണ്ടായി.
കൂനമ്മാവ് സ്വദേശി യദുലാലാണ് മരിച്ചത്. ഇരുചക്രവാഹനത്തില് പോകുകയായിരുന്ന യദു കുഴിക്ക് സമീപം അശാസ്ത്രീയമായി വെച്ചിരുന്ന ബോര്ഡില് തട്ടി റോഡിലേക്ക് തെറിച്ച് വീഴുകയും തൊട്ടുപിന്നാലെയെത്തിയ ലോറി ശരീരത്തിലൂടെ കയറിയിറങ്ങുകയായിരുന്നു. സംഭവത്തില് സംസ്ഥാന മനുഷ്യവകാശ കമ്മീഷന് സ്വമേധയാ കേസെടുത്തു.
Post Your Comments