Latest NewsNewsIndia

യുവതിയെ തോക്ക് ചൂണ്ടി ഭീഷണിപ്പെടുത്തി പീഡിപ്പിച്ചു; ആൺ സുഹൃത്ത് പൊലീസ് പിടിയിൽ

പാറ്റ്ന: യുവതിയെ തോക്ക് ചൂണ്ടി ഭീഷണിപ്പെടുത്തി പീഡിപ്പിച്ച കേസിൽ യുവതിയുടെ ആൺ സുഹൃത്ത് പൊലീസ് പിടിയിൽ. ബിഹാറിലെ പ്രശസ്ത ഷോപ്പിംഗ് മാളിൽ നിന്ന് തട്ടിക്കൊണ്ടു പോയി ആണ് യുവതിയെ പീഡിപ്പിച്ചത്. തിങ്കളാഴ്ച വൈകുന്നേരമാണ് യുവതിയുടെ ആൺ സുഹൃത്ത് അടങ്ങുന്ന നാല് പേരുടെ സംഘം യുവതിയെ തട്ടിക്കൊണ്ടു പോയത്.

സംഘത്തിലുണ്ടായിരുന്ന യുവതിയുടെ ആൺ സുഹൃത്ത് നേരത്തെയും താനുമായി ശാരീരിക ബന്ധത്തിന് ശ്രമിച്ചിട്ടുണ്ടെന്ന് യുവതി വ്യക്തമാക്കി. ഒരിക്കൽ തന്റെ വീട്ടിൽ വന്നിട്ടുണ്ടെന്നും യുവതി പൊലീസിന് മൊഴി നൽകി. സംഘത്തിലെ ഒരാൾ യുവതിയെ പീഡിപ്പിച്ചുവെന്നും മറ്റുള്ളവർ ഗൂഢാലോചന നടത്തിയെന്നുമാണ് കേസെന്ന് സിറ്റി എസ്‌പി വിനയ് തിവാരി പറഞ്ഞതായി വാർത്താ ഏജൻസിയായ പിടിഐ റിപ്പോർട്ട് ചെയ്തു.

ബോറിങ് റോഡിലുള്ള ജിവി മാളിന്റെ പാർക്കിങ് ഏരിയയിൽ നിന്ന് തിങ്കളാഴ്ച വൈകിട്ട് 7:30നാണ് തന്നെ തട്ടിക്കൊണ്ടു പോയതെന്ന് പെൺകുട്ടി പോലീസിനോട് പറഞ്ഞു. മാളിന് സമീപമുള്ള ഹോട്ടലിൽ നിന്ന് ഭക്ഷണം കഴിച്ചിട്ട് ഇറങ്ങി വരുമ്പോൾ തന്റെ സുഹൃത്ത് തോക്ക് ചൂണ്ടിക്കൊണ്ട് പാർക്കിങ്ങിലുള്ള അയാളുടെ കാറിൽ കയറാൻ ആവശ്യപ്പെട്ടു. അതേസമയം, യുവതിയെ ഒരാൾ മാത്രമാണ് പീഡിപ്പിച്ചതെന്നും കൂട്ട ബലാത്സംഗം നടന്നിട്ടില്ലെന്നും വിനയ് തിവാരി കൂട്ടിച്ചേർത്തു.

ALSO READ: മകന്റെ ജീവന് വേണ്ടി നിര്‍ഭയയുടെ അമ്മയോട് യാചിച്ച് പ്രതിയുടെ അമ്മ : ഏവരേയും ഞെട്ടിച്ചായിരുന്നു ആ അമ്മയുടെ പ്രതികരണം : കോടതിയില്‍ നാടകീയ രംഗങ്ങള്‍

അവിടെ നിന്നും പാടലീപുത്ര കോളനിയിലുള്ള പി ആൻഡ് എം മാളിന് സമീപത്തുള്ള ഒരു ഫ്ലാറ്റിലേക്ക് കൂട്ടിക്കൊണ്ട് പോയി ആൺ സുഹൃത്ത് ലൈംഗികമായി പീഡിപ്പിക്കുകയും മറ്റ് മൂന്ന് പേർ തോക്ക് ചൂണ്ടി ഭീഷണിപ്പെടുത്തുകയും ചെയ്‌തെന്നാണ് പരാതി. അവിടെയുള്ളവരുടെ കൈയ്യിൽ തോക്ക് ഉണ്ടായിരുന്നതിനാൽ ഭയന്ന് പോയെന്നും യുവതി മൊഴി നൽകി. നാല് പേരും ചേർന്ന് പീഡനത്തിന്റെ വീഡിയോ ദൃശ്യങ്ങൾ പകർത്തിയെന്നും സമൂഹമാധ്യമങ്ങളിൽ അവ പ്രചരിപ്പിക്കുമെന്ന് ഭീഷണിപ്പെടുത്തിയെന്നും യുവതിമൊഴി നൽകി.

Related Articles

Post Your Comments


Back to top button