ഗ​താ​ഗ​തം പൂ​ര്‍​ണ​മാ​യും നി​ര്‍​ത്തി​വെച്ച ശേഷം മെ​ട്രോ തൂ​ണിന് മു​ക​ളി​ല്‍ കു​ടു​ങ്ങി​യ പൂ​ച്ച​കു​ഞ്ഞി​നെ ര​ക്ഷ​പെ​ടു​ത്തി; പൂച്ചയെ ആശുപത്രിയിലേക്ക് മാറ്റി; ഇതിനിടെ ഒരാൾക്ക് പരിക്ക്, സംഭവം കൊച്ചിയിൽ

കൊ​ച്ചി: കൊ​ച്ചി മെ​ട്രോ തൂ​ണി​നു മു​ക​ളി​ല്‍ കു​ടു​ങ്ങി​പ്പോ​യ പൂ​ച്ച​കു​ഞ്ഞി​നെ ഒടുവിൽ രക്ഷപെടുത്തി. ക​ഴി​ഞ്ഞ ഒ​രാ​ഴ്ച​യാ​യി വൈ​റ്റി​ല ജം​ഗ്ഷന് സ​മീ​പ​മു​ള്ള മെ​ട്രോ​യു​ടെ തൂ​ണിന് മു​ക​ളി​ല്‍ കു​ടു​ങ്ങി​യ പൂ​ച്ച​ക്കു​ട്ടി​യെ​യാ​ണ് ര​ക്ഷ​പെ​ടു​ത്തി​യ​ത്. പ​ള്ളി​മു​ക്കി​ല്‍​നി​ന്ന് വൈ​റ്റി​ല​യി​ലേ​ക്കു​ള്ള ഗ​താ​ഗ​തം പൂ​ര്‍​ണ​മാ​യും നി​ര്‍​ത്തി​വ​ച്ചാ​യി​രു​ന്നു ര​ക്ഷാ​പ്ര​വ​ര്‍​ത്ത​നം. ഫ​യ​ര്‍​ഫോ​ഴ്സ് ഉ​ദ്യോ​ഗ​സ്ഥ​ര്‍ ക്രെ​യി​ന്‍ ഉ​പ​യോ​ഗി​ച്ച്‌ മു​പ്പ​ത​ടി​യോ​ളം ഉ​യ​ര​മു​ള്ള മെ​ട്രോ തൂ​ണി​നു​മു​ക​ളി​ലെ​ത്തി​യാ​ണ് ര​ക്ഷാ​പ്ര​വ​ര്‍​ത്ത​നം ന​ട​ത്തി​യ​ത്. ദി​വ​സ​ങ്ങ​ളോ​ളം ഭ​ക്ഷ​ണ​വും വെ​ള്ള​വും ല​ഭി​ക്കാ​തെ പൂ​ച്ച അ​വ​ശ​യാ​യി​രു​ന്നു. പിടികൂടിയ പൂച്ചയെ ആ​ശു​പ​ത്രി​യി​ലേ​ക്ക് മാ​റ്റി. ഇതിനിടെ ഒ​രാ​ള്‍​ക്ക് പ​രി​ക്കേ​റ്റു. പൂ​ച്ച മാ​ന്തി​യാ​ണ് പ​രി​ക്കേ​റ്റ​ത്.

Read also: ഒരേ ഇലയില്‍ നിന്നും ഭക്ഷണം കഴിക്കുന്ന ആനയും പാപ്പാനും- വീഡിയോ ഏറ്റെടുത്ത് സോഷ്യല്‍മീഡിയ

നാ​ല് ഉ​ദ്യോ​ഗ​സ്ഥ​ര്‍ മെ​ട്രോ തൂ​ണി​നു മു​ക​ളി​ല്‍ ക​യ​റി​യാ​ണ് പൂ​ച്ച​യെ ര​ക്ഷ​പെ​ടു​ത്തു​ന്ന​തി​നു​ള്ള ദൗ​ത്യം നി​ര്‍​വ​ഹി​ച്ച​ത്. ആ​ദ്യം ര​ണ്ടു പേ​ര്‍ മെ​ട്രോ തൂ​ണി​ന്‍റെ മു​ക​ളി​ല്‍ ഇ​രു​വ​ശ​ത്തെ വി​ട​വു​ക​ളി​ലാ​യി നി​ല​യു​റ​പ്പി​ച്ചു. മ​റ്റ് ര​ണ്ടു പേ​ര്‍ ക്രെ​യി​നി​ന്‍റെ സ​ഹാ​യ​ത്തോ​ടെ മു​ക​ളി​ലേ​ക്ക് എ​ത്തി പൂ​ച്ച​യെ പി​ടി​ക്കാ​ന്‍ ശ്ര​മി​ച്ചു. പ​രി​ഭ്രാ​ന്തി​യി​ലാ​യ പൂ​ച്ച തൂ​ണി​ന്‍റെ വി​ട​വു​ക​ളി​ലൂ​ടെ അ​പ്പു​റ​ത്തേ​ക്കും ഇ​പ്പു​റ​ത്തേ​ക്കും ഓ​ടി മാ​റിയതോടെയാണ് രക്ഷിക്കാനായി സമയമെടുത്തത്.