കൊച്ചി: നടൻ ഷെയ്ൻ നിഗത്തിന്‍റെ വിലക്ക് വിഷയത്തിൽ നിര്‍ണ്ണായക തീരുമാനം ഇന്നുണ്ടായേക്കും. രാവിലെ 11 മണിക്ക് പ്രൊഡ്യൂസേഴ്സ് അസോസിയേഷൻ യോഗം ചേരും. വിലക്കില്‍ തുടര്‍ നടപടികള്‍ എങ്ങനെ വേണമെന്നതില്‍ ഏകദേശ ധാരണ ഈ യോഗത്തിലുണ്ടായേക്കും.
പ്രൊഡ്യൂസേഴ്സ് അസോസിയേഷന്‍റെയും താരസംഘടന അമ്മയുടേയും ഭാരവാഹികളുടെ സംയുക്ത യോഗം ഉച്ചക്ക് ശേഷം ചേരും. ഉല്ലാസം സിനിമയുടെ ഡബ്ബിംഗ് പൂര്‍ത്തിയാക്കിയ സാഹചര്യത്തില്‍ ഷെയ്ൻ നിഗത്തിന്‍റെ വിലക്ക് നീക്കണമെന്നാണ് അമ്മ സംഘടനയുടെ ആവശ്യം.
ALSO READ: ഉല്ലാസം സിനിമ ഡബ്ബിംഗ് : ഷെയ്ന്‍ നീഗത്തിന്റെ പുതിയ തീരുമാനം ഇങ്ങനെ
അതേസമയം വിലക്ക് നീക്കരുതെന്ന നിലപാടിലാണ് നിര്‍മ്മാതാക്കളുടെ സംഘടനയിലെ ഒരു വിഭാഗം. എന്തായാലും ഇന്ന് നടക്കുന്ന നിര്‍ണായക ചര്‍ച്ചകള്‍ക്കൊടുവില്‍ തീരുമാനമുണ്ടാകുമെന്ന പ്രതീക്ഷയിലാണ് ചലച്ചിത്രപ്രേമികള്‍. സിനിമയുടെ ഡബ്ബിംഗ് പൂര്‍ത്തിയാക്കിയ സാഹചര്യത്തില്‍ ഷെയ്ൻ നിഗത്തിന്‍റെ വിലക്ക് നീക്കണമെന്നാണ് അമ്മ സംഘടനയുടെ ആവശ്യം.
Post Your Comments