കോയമ്പത്തൂർ: 13 വയസുകാരിയുടെ വയറ്റിൽ നിന്ന് ഒരു കിലോഗ്രാം മുടി ഡോക്ടര്‍മാര്‍ നീക്കം ചെയ്തു. നഗരത്തിലെ വിജിഎം ഗ്യാസ്ട്രോ സെന്ററിൽ നടത്തിയ ശാസ്ത്രക്രീയയിലൂടെ മുടി നീക്കം ചെയ്തത്.
കുറച്ച് ദിവസങ്ങൾക്ക് മുമ്പ് കലപട്ടി നിവാസിയായ പെൺകുട്ടിയെ അടിവയറ്റിലെ കടുത്ത വേദനയോടെയാണ് ആശുപത്രിയിലെത്തിച്ചത്. സി.ടി സ്കാൻ റിപ്പോർട്ടിൽ പെണ്‍കുട്ടിയുടെ വയറിനുള്ളിൽ അയഞ്ഞ നെയ്ത നാരുകളുള്ള ടിഷ്യു കണ്ടെത്തി. ക്ഷേ പിന്നീട് ഇത് ആമാശയത്തിന്റെ ആകൃതിയിലുള്ള ഒരു കൂട്ടം മുടിയിഴകളായി മാറിയെന്ന് ആശുപത്രിയിൽ നിന്നുള്ള പത്രക്കുറിപ്പിൽ പറയുന്നു.
എൻഡോസ്കോപ്പിക് വഴി ഇത് നീക്കം ചെയ്യാൻ ഡോക്ടർമാർ ശ്രമിച്ചെങ്കിലും വെറുതെയായി. തുടര്‍ന്ന് കുട്ടിയെ ലാപ്രോസ്കോപ്പി ചെയ്യാൻ തീരുമാനിച്ചു.
ഡോ. ഗോകുൽ കിരുബശങ്കറിന്റെ നേതൃത്വത്തിലുള്ള സർജിക്കൽ ഗ്യാസ്ട്രോഎൻട്രോളജി സംഘം കുട്ടിയെ ലാപ്രോസ്കോപ്പി നടത്തി. കുട്ടിയുടെ ആമാശയം തുറന്ന് എന്റോ ബാഗ് എന്ന അണുവിമുക്തമായ പ്ലാസ്റ്റിക് ബാഗ് ഉപയോഗിച്ച് മുടി ശേഖരിക്കുകയും ചെയ്തു.
അടുത്ത ബന്ധു മരിച്ചതിനെത്തുടർന്ന് കുട്ടി വിഷാദാവസ്ഥയിലായിരുന്നു. തന്മൂലം, പെണ്‍കുട്ടി സ്വന്തം മുടി കഴിക്കുകയും വിശപ്പ് കുറയുകയും തുടർച്ചയായ ഛർദ്ദിയും കാരണം ശരീരഭാരം കുറയ്ക്കുകയും ചെയ്തു.
കുട്ടി നേരിടുന്ന പ്രശ്നം മനസിലാക്കാതെ, പോഷകാഹാരം കുറവായതിനാൽ കുട്ടിക്ക് മുടി കൊഴിയുന്നുവെന്നാണ് മാതാപിതാക്കൾ കരുതിയിരുന്നത്.
‘എന്റെ 32 വർഷത്തെ അനുഭവത്തിൽ ഞാൻ കണ്ട ആദ്യ സംഭവമാണിത്, ട്രൈക്കോബെസോർ എന്ന രോഗം വളരെ അപൂർവമാണ്,’-ആശുപത്രി ചെയർമാൻ ഡോ. വി.ജി മോഹൻ പ്രസാദ് പറഞ്ഞു.
Post Your Comments