Latest NewsNewsIndia

കുപ്രസിദ്ധ ക്രിമിനല്‍ കാറിനുള്ളില്‍ കൊല്ലപ്പെട്ടനിലയില്‍

മംഗളൂരു•മംഗളൂരു: ബന്ത്വാലിലെ നാഗ്രിക്ക് സമീപം കുപ്രസിദ്ധ ക്രിമിനലിനെ അജ്ഞാതർ കാറിൽ വച്ചു കുത്തിക്കൊന്നു. കാസറഗോഡിലെ ചെമ്പാരിക്കയിൽ താമസിക്കുന്ന മുത്തസിം സി എം (39) എന്നയാളെ തട്ടിക്കൊണ്ടുപോയി പിന്നീട് കുത്തി കൊലപ്പെടുത്തുകയായിരുന്നുവെന്ന് പോലീസ് പറഞ്ഞു.

ഞായറാഴ്ച വൈകുന്നേരം നാഗ്രിക്ക് സമീപം ഉപേക്ഷിക്കപ്പെട്ട കാർ നാട്ടുകാർ ശ്രദ്ധയിൽപ്പെട്ട സംഭവം ലോക്കൽ പോലീസിനെ അറിയിച്ചു.

രണ്ട് അഫ്ഗാൻ പൗരന്മാർ ഉൾപ്പെടെ മുത്തസിമും സഹായികളും മംഗളൂരുവിൽ ഒരു ജ്വല്ലറി മോഷണത്തിന് അടുത്തിടെ അറസ്റ്റിലായിരുന്നു. ജാമ്യത്തിലിറങ്ങുന്നതിന് മുമ്പ് ഇയാളെ കലബുരാഗി ജയിലിലാണ് പാര്‍പ്പിച്ചിരുന്നത്. മോചിതനായ ഉടൻ കലബുരഗിയിലെ ജെവർഗിയിൽ നിന്ന് ഒരു സംഘം ഇയാളെ തട്ടിക്കൊണ്ടുപോകുകയായിരുന്നു.

തട്ടിക്കൊണ്ടുപോകൽ കേസിൽ മൂന്ന് പേരെ അറസ്റ്റ് ചെയ്തതായി ദക്ഷിണ കന്നഡ ജില്ലാ പോലീസ് അറിയിച്ചു.
കൊലപാതകത്തിന് പിന്നിൽ ഗുണ്ടാസംഘങ്ങള്‍ തമ്മിലുള്ള പകയാണെന്ന് കരുതുന്നു.

കൊല്ലപ്പെട്ട മുത്തസിമിനെതിരെ മൂന്ന് കേസുകള്‍ കേരളത്തിലെ ബേക്കൽ പോലീസ് സ്റ്റേഷനിലും, മംഗളൂരുവിലെ ഉല്ലാൽ പോലീസ് സ്റ്റേഷനിൽ ഒരു കേസും, ആയുധ നിയമപ്രകാരം ഡല്‍ഹിയില്‍ ഒരു കേസും നിലവിലുണ്ട്.

മുംബൈ ആസ്ഥാനമായുള്ള കുറ്റവാളികളുമായി ഇയാൾ ബന്ധപ്പെട്ടിരുന്നുവെന്ന് പോലീസ് പറഞ്ഞു.

ബന്ത്‌വാൾ പോലീസ് കേസെടുത്തു.

shortlink

Related Articles

Post Your Comments


Back to top button