ലക്‌നൗ: പ്രധാനമന്ത്രി നരേന്ദ്ര മോദിയ്‌ക്കെതിരെ പരിഹാസവുമായി എസ്പി അധ്യക്ഷന്‍ അഖിലേഷ് യാദവ്. ആരോഗ്യം സംരക്ഷിക്കാനും ശക്തി കൂട്ടുന്നതിനുമായി താന്‍ യോഗ അഭ്യസിക്കുന്നുണ്ടെന്ന മോദിയുടെ പ്രസ്താവനയെ പരിഹസിച്ചാണ് അഖിലേഷ് യാദവ് രംഗത്തെത്തിയത്. രാജ്യത്തെ തൊഴിലില്ലായ്മ പരിഹരിക്കാന്‍ സൂര്യനമസ്കാരം പോലെ എന്തെങ്കിലും ആസനം നിര്‍ദേശിക്കണമെന്ന് അദ്ദേഹം വ്യക്തമാക്കി.
രാഹുല്‍ ഗാന്ധിയുടെ പ്രസ്താവനയെ പരിഹസിച്ചായിരുന്നു സൂര്യനമസ്‌കാരത്തെക്കുറിച്ച പ്രധാനമന്ത്രി പരാമർശിച്ചത്. പ്രധാനമന്ത്രി ഇപ്പോള്‍ പ്രസംഗിച്ച്‌ നടക്കുകയാണെന്നും ആറ് മാസം കഴിഞ്ഞാല്‍ രാജ്യത്തെ യുവജനം മോദിയെ വടികൊണ്ട് അടിക്കുമെന്നുമായിരുന്നു രാഹുൽ വ്യക്തമാക്കിയത്. ഇതിന് മറുപടിയായി ആറ് മാസത്തിനുള്ളില്‍ തന്നെ അടിക്കുമെന്ന് ഒരു കോണ്‍ഗ്രസ് നേതാവ് പറഞ്ഞുവെന്നും അടി കൊള്ളാന്‍ സൂര്യനമസ്കാരം ചെയ്ത് തന്‍റെ ശരീരത്തെ തയാറാക്കുമെന്നുമായിരുന്നു പ്രധാനമന്ത്രി പറഞ്ഞത്.
Post Your Comments