ട്രംപ് ഇന്ത്യയിലെത്തുന്ന ദിവസം സിപിഐഎം പ്രതിഷേധം നടത്തും: താക്കീതുമായി സീതാറാം യെച്ചൂരി

ഡല്‍ഹി: അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇന്ത്യാ സന്ദര്‍ശനത്തിനെത്തുന്ന ദിവസം സി.പി.ഐഎമ്മിന്റെ നേതൃത്വത്തില്‍ പ്രതിഷേധം നടത്തുമെന്ന് സി.പി.ഐ.എം ജനറല്‍ സെക്രട്ടറി സീതാറാം യെച്ചൂരി. ഫെബ്രുവരി 24 നാണ് ട്രംപും ഭാര്യ മെലീന ട്രംപും ഇന്ത്യയില്‍ സന്ദര്‍ശനം നടത്തുന്നത്.ഫെബ്രുവരി 24, 25 തീയതികളിൽ ട്രംപ് പര്യടനം നടക്കുന്നിടത്തെല്ലാം ഇടതു പാർട്ടി പ്രവർത്തകർ പ്രക്ഷോഭം നടത്തുമെന്ന് യെച്ചൂരി പറഞ്ഞു. ദില്ലിയിലോ ഗുജറാത്തിലോ ആകാം ട്രംപ് വരുന്നത്, എന്നാൽ അവിടെയെല്ലാം പാർട്ടി പ്രവർത്തകർ തീർച്ചയായും പ്രതിഷേധിക്കുമെന്ന് അദ്ദേഹം പറഞ്ഞു.

രണ്ട് കാര്യങ്ങളിൽ ആണ് പ്രതിഷേധം നടക്കുകയെന്നും സിപിഐ എം നേതാവ് പറഞ്ഞു.“ആദ്യം അമേരിക്ക മോദിയിൽ സമ്മർദ്ദം ചെലുത്തുന്നു , സി‌എ‌എ, ആർട്ടിക്കിൾ 370, തുടങ്ങിയ വിഷയങ്ങളിൽ മോദിക്ക് പിന്തുണ നൽകുന്നത് വഴി അവർ നേടാൻ ആഗ്രഹിക്കുന്ന നേട്ടമാണ് ലഭിക്കുന്നത്. നമ്മുടെ സമ്പദ്‌വ്യവസ്ഥയെ പൂർണ്ണമായും അവർക്കായി തുറക്കാൻ മോദി വഴങ്ങുകയാണ്. യെച്ചൂരി മാധ്യമപ്രവർത്തകരോട് പറഞ്ഞു.

മലയാളികള്‍ ബീഫ് ഒഴിവാക്കണമെന്ന് കോണ്‍​ഗ്രസ് നേതാവ് ജയറാം രമേശ് : യൂത്ത് കോൺഗ്രസ് പശുക്കുട്ടിയെ അറുത്തു ബീഫ് ഫെസ്റ്റ് നടത്തുന്നില്ലേയെന്നു സോഷ്യൽ മീഡിയ

“അതാണ് ക്വിഡ് പ്രോ ക്വോ നടക്കുന്നത്, അത് ഇന്ത്യയുടെ താൽപ്പര്യത്തിന് നിരക്കാത്തതാണ്. ഇതുകൂടാതെ, യുഎസ് സൈനിക ഉപകരണങ്ങൾ വാങ്ങുന്നതിനും യുഎസ് സമ്പദ്‌വ്യവസ്ഥയെ മെച്ചപ്പെടുത്തുകയും നമ്മുടെ സ്വന്തം സമ്പദ്‌വ്യവസ്ഥയെ നശിപ്പിക്കുന്നതിനും ആണ് കോടിക്കണക്കിന് ഡോളർ ചെലവഴിക്കുന്നത് ,” എന്നും യെച്ചൂരി പറഞ്ഞു.