ന്യൂഡല്‍ഹി: അരവിന്ദ് കേജ്‌രിവാളിന്റെ സത്യപ്രതിജ്ഞാ ചടങ്ങിൽ അദ്ദേഹത്തിന്റെ അതേ ശൈലിയില്‍ ‘സ്യൂട്ട് അപ്പ് ജൂനിയര്‍’ എന്ന അടിക്കുറിപ്പില്‍ ഔദ്യോഗിക ട്വിറ്റര്‍ പേജിലൂടെ എഎപി നേതൃത്വം തന്നെയാണ് ഇക്കാര്യം വ്യക്തമാക്കിയത്. കുഞ്ഞു വസ്ത്രവും തൊപ്പിയും കണ്ണടയും മഫ്‌ളറും അണിഞ്ഞ് ശ്രദ്ധ പിടിച്ചുപറ്റിയ കുഞ്ഞിനും ക്ഷണം. ഡല്‍ഹി തെരുവില്‍ വിജയം ആഘോഷിച്ച് താരമായ അവ്യാന്‍ തോമര്‍ എന്ന കുഞ്ഞിനെയാണ് എഎപി പാര്‍ട്ടി നേതൃത്വം ക്ഷണിച്ചിരിക്കുന്നത്.
രാജ്യതലസ്ഥാനത്തെ എഎപി പ്രവര്‍ത്തകരായ രാഹുല്‍ തോമറിന്റെയും മികാഷിയുടെയും മകനാണ് ഒരു വയസുകാരനായ അവ്യാന്‍ തോമര്‍. അവ്യാനെ ‘ബേബി മഫ്‌ളര്‍’ എന്ന പേരിലാണ് സോഷ്യല്‍ മീഡിയ വിശേഷിപ്പിക്കുന്നത്. മുൻപ് ഡല്‍ഹി തിരഞ്ഞെടുപ്പ് ഫലം പുറത്തുവന്ന ദിവസവും എഎപി അവ്യാന്‍ തോമറിന്റെ ചിത്രം ട്വിറ്ററില്‍ പോസ്റ്റ് ചെയ്തിരുന്നു.
Post Your Comments