വിന്‍ഡീസ് പേസ് ബൗളര്‍ ഒഷെയ്ന്‍ തോമസിന് കഴിഞ്ഞ ഞായറാഴ്ചയുണ്ടായ കാറപകടത്തില്‍ പരിക്കേറ്റു. താരം ശ്രീലങ്കയ്‌ക്കെതിരെയുള്ള ഏകദിന സ്‌ക്വാഡിന്റെ ഭാഗമല്ലാത്തതിനാല്‍ ട്വന്റി20 പരമ്പരയ്ക്ക് മുമ്പ് പരിക്ക് ഭേദമായി സെലക്ഷന് ലഭ്യമാകുമെന്നാണ് കരുതപ്പെടുന്നത്. അത് നടക്കുന്നില്ലെങ്കില്‍ താരത്തിന്റെ അടുത്ത ദൗത്യം ഐപിഎല്‍ ആയിരിക്കും. ഐപിഎല്ലില്‍ രാജസ്ഥാന്‍ റോയല്‍സിന് വേണ്ടിയാണ് തോമസ് കളിക്കുന്നത്.
താരം അപകടശേഷവും സ്വബോധത്തിലായിരുന്നുവെന്നും പ്രതികരിക്കുന്നുണ്ടായിരുന്നുവെന്നാണ് വിന്‍ഡീസ് പ്ലേയേഴ്‌സ് അസോസ്സിയേഷന്‍ പത്രക്കുറിപ്പിലൂടെ അറിയിച്ചത്. താരം വേഗം സുഖം പ്രാപിക്കട്ടേയെന്നും അസോസ്സിയേഷന്‍ അറിയിച്ചു.
Post Your Comments