ന്യൂഡല്‍ഹി : യുഎസ് പ്രസിഡന്റ് ട്രംപിനൊപ്പം താജ്മഹല്‍ സന്ദര്‍ശനത്തിന് പ്രധാനമന്ത്രി നരേന്ദ്രമോദിയില്ല. അതിനുള്ള കാരണം ചൂണ്ടിക്കാട്ടി അധികൃതരുടെ റിപ്പോര്‍ട്ട്. അഹമ്മദാബാദിലെ റോഡ് ഷോക്കും നമസ്‌തേ ട്രംപ് പരിപാടിക്കും ശേഷം തിങ്കളാഴ്ച ഉച്ചകഴിഞ്ഞാണ് ട്രംപ് ആഗ്രയിലേയ്ക്ക് പോകുന്നത് . പ്രധാനമന്ത്രി നരേന്ദ്രമോദി അദ്ദേഹത്തിനൊപ്പം താജ്മഹല്‍ സന്ദര്‍ശിക്കുമോ എന്ന ചോദ്യത്തിന് അത്തരത്തിലൊരു പദ്ധതി ഇല്ലെന്നാണ് അധികൃതര്‍ വ്യക്തമാക്കിയത്.
അമേരിക്കന്‍ പ്രസിഡന്റിനും കുടുംബത്തിനും ചരിത്ര സ്മാരകം കണ്‍നിറയെ കാണാനുള്ള അവസരമാണ് ഒരുക്കിയിരിക്കുന്നത്. അവിടെ മറ്റ് ഔദ്യോഗിക പരിപാടികളൊന്നുമുണ്ടാകില്ല. അതുകൊണ്ടുതന്നെ പ്രധാനമന്ത്രി മാത്രമല്ല, ഇന്ത്യയിലെ മറ്റ് ഉയര്‍ന്ന ഉദ്യോഗസ്ഥരും അവിടെയുണ്ടാകില്ല.- അധികൃതര്‍ വ്യക്തമാക്കി.
24,25 തീയതികളിലാണ് ഡൊണാള്‍ഡ് ട്രംപ് ഇന്ത്യയിലെത്തുക . ഭാര്യ മെലേനിയ ട്രംപ്, മകള്‍ ഇവാങ്ക, മരുമകന്‍ ജറേഡ് കൂഷ്‌നര്‍ എന്നിവരടക്കമുള്ളവരും ട്രംപിനൊപ്പമുണ്ടാകും
Post Your Comments