ഫാസ്റ്റ് ചാര്ജിംഗ് സാങ്കേതിക വിദ്യയുടെ പിന്തുണയുള്ള വമ്പന് ബാറ്ററി കപ്പാസിറ്റി വാഗ്ദാനം ചെയ്യുന്ന സ്മാര്ട്ട്ഫോണുകള് ഉള്ള സമയത്താണ് നമ്മള് ജീവിക്കുന്നതെങ്കിലും, ഫോണ് ചാര്ജ്ജ് ചെയ്യേണ്ടി വരുന്ന സാഹചര്യങ്ങളില് പലപ്പോഴും നിങ്ങള് കുടുങ്ങിപ്പോയേക്കാം. ഈ സമയത്താണ് പവര് ബാങ്ക് നിങ്ങളുടെ രക്ഷകനായി വരുന്നത്. നിരവധി ബ്രാന്ഡുകളുടെതായി, 399 രൂപ മുതല് 2,000 രൂപ വരെ വിലയുള്ള പവര് ബാങ്കുകള് നിങ്ങള്ക്ക് കണ്ടെത്താന് കഴിയും. അവയില് ചിലത് പരിചയപ്പെടാം.
കറുപ്പ്, ചുവപ്പ്, നീല നിറങ്ങളില് ലഭ്യമാകുന്ന ഈ 10000 എംഎഎച്ച് പവര് ബാങ്ക് 899 രൂപയ്കാണ് ഷവോമി വില്പന നടത്തുന്നത്. 18 വാട്ട് ഫാസ്റ്റ് ചാര്ജിംഗ് പിന്തുണയുള്ള ഈ പവര് ബാങ്ക് 5V/2A, 9V/ 2A and 12V/1.5A ചര്ജിംഗ് ഔട്ട് പുട്ടുകള് സര്പ്പോര്റ്റ് ചെയ്യുന്നുണ്ട്. സ്മാര്ട്ട് ചാര്ജിംഗിനോപ്പം ഇരട്ട യു.എസ്.ബി ഔട്ട്പുട്ട് വാഗ്ദാനം ചെയ്യുന്ന ഈ പവര് ബാങ്ക് പൂര്ണമായും ചാര്ജ് ചെയ്യാന് 4.5 മണിക്കൂര് മതിയെന്നാണ് അവകാശവാദം.
2. റിയല്മി 10,000 എംഎഎച്ച് പവർ ബാങ്ക്: 1,299 രൂപ
ഗ്രേ, യെല്ലോ, റെഡ് എന്നീ കളർ ഓപ്ഷനുകളിൽ ലഭ്യമാണ്. ടു വേ 18W ഫാസ്റ്റ് ചാർജിംഗിനുള്ള പിന്തുണയുമായാണ് റിയല്മി പവർ ബാങ്ക് വരുന്നത്. ഇതിന് ഇരട്ട ഔട്ട്പുട്ട് ടൈപ്പ്-സി, ടൈപ്പ്-എ പോർട്ടുകൾ ഉണ്ട്. പവർ ഡെലിവറി (പിഡി) സവിശേഷതയുടെ പിന്തുണയോടെ ലാപ്ടോപ്പുകളും ചാർജ് ചെയ്യാൻ പ്രാപ്തിയുള്ളതെന്നതാണ് ഈ പവർ ബാങ്കിന്റെ യുഎസ്പി.
3. ഐബാള് 10,000 എംഎഎച്ച് പവർ ബാങ്ക്: 699 രൂപ
ബ്ലാക്ക്, ബ്ലൂ, ഷാംപെയ്ൻ ഗോൾഡ്, റോസ് ഗോൾഡ് എന്നീ കളർ ഓപ്ഷനുകളിൽ ലഭ്യമാണ്. 699 രൂപയാണ് വില. 2.4 ആംപ് ഔട്ട്പുട്ട് വാഗ്ദാനം ചെയ്യുന്നു. ഔട്ട്പുട്ടിനായി രണ്ട് ടൈപ്പ്-എ പോർട്ടുകളും മൈക്രോ യുഎസ്ബി പോർട്ടും ഇൻപുട്ട് ചാർജിംഗിനായി ടൈപ്പ്-സി പോർട്ടും ഇത് വാഗ്ദാനം ചെയ്യുന്നു. 6 മുതല് ഏഴ് മണിക്കൂര് വരെയാണ് ചര്ജിംഗ് സമയം.
4. അംബ്രെയ്ൻ 10000 എംഎഎച്ച് പവർ ബാങ്ക്: 649 രൂപ
ബ്ലാക്ക്, വൈറ്റ്, ബ്ലൂ എന്നീ നിറങ്ങളില് ലഭ്യമാണ്, അംബ്രേനിൽ നിന്നുള്ള ഈ പവർ ബാങ്ക് 10000 എംഎഎച്ച് ലിഥിയം പോളിമർ ബാറ്ററിയിലാണ് വരുന്നത്. 5-7 മണിക്കൂറാണ് ചര്ജിംഗ് ഇതിന്റെ സമയം. കൂടാതെ ഔട്ട്പുട്ടിനായി ഇരട്ട യുഎസ്ബി ടൈപ്പ്-എ പോർട്ടുകളും ഇൻപുട്ടിനായി മൈക്രോ യുഎസ്ബി പോർട്ടും വാഗ്ദാനം ചെയ്യുന്നു.
5. പോർട്രോണിക്സ് 10000 എംഎച്ച് പവർ ബാങ്ക്: 699 രൂപ
പോർട്രോണിക്സിൽ നിന്നുള്ള ഈ പവർ ബാങ്ക് 10000 എംഎഎച്ച് ബാറ്ററിയും പരമാവധി 2.1 ആംപ് ഔട്ട്പുട്ടും വാഗ്ദാനം ചെയ്യുന്നു. പവർ ബാങ്കിന് ഇരട്ട ഇൻപുട്ട് ഓപ്ഷനുകളും ഉണ്ട് – മൈക്രോ യുഎസ്ബി, ടൈപ്പ്-സി പോർട്ടുകൾ.
Post Your Comments