Latest NewsNewsBusiness

ഓഹരി വിപണിയിൽ കനത്ത ഇടിവ് തുടരുന്നു, ഇന്നും കനത്ത നഷ്ടം

മുംബൈ : കൊറോണ ഭീതിയെ തുടർന്ന് ഓഹരി വിപണിയിൽ കനത്ത ഇടിവ് തുടരുന്നു. വ്യാപാര ആഴ്ചയിലെ ആ​ദ്യ​മി​നി​റ്റി​ല്‍ ത​ന്നെ സെ​ന്‍​സെ​ക്‌​സി​ൽ 3000 പോ​യി​ന്‍റ് ഇ​ടി​ഞ്ഞു. ഇ​തോ​ടെ 45 മി​നി​റ്റ് നേരത്തേക്ക് വ്യാ​പാ​രം നി​ർ​ത്തി​വ​ച്ചു.  2008ന് ശേഷം ഇതാദ്യമായാണ് ഇത്തരത്തില്‍ വ്യാപാരം നിര്‍ത്തിവെക്കേണ്ടി വന്നത്.

ബി​എ​സ്‌​സി സെ​ന്‍​സെ​ക്‌​സ് 3,090.62 പോ​യ​ന്‍റ് ന​ഷ്ട​ത്തി​ല്‍ 29,687.52ലും ​നി​ഫ്റ്റി 966.10 പോ​യ​ന്‍റ് നഷ്ടത്തിൽ 8,624.05 ലു​മെ​ത്തി. ബിഎസ്ഇയില്‍ 88 കമ്പനികളുടെ ഓഹരികള്‍മാത്രമാണ് നേട്ടത്തിലുണ്ടായിരുന്നത്. 1400 ഓഹരികള്‍ നഷ്ടത്തിലുമായിരുന്നു. ഡോളറിനെതിരെ രൂപയുടെ മൂല്യവും ഇടിയുന്നു. 74.40 രൂപയാണ് ഇന്നത്തെ വിനിമയ മൂല്യം.

ആ​ഗോ​ള ഓ​ഹ​രി വി​പ​ണി​യി​ലെ ത​ക​ർ​ച്ചയാണ് ഇ​ന്ത്യ​ൻ ഓ​ഹ​രി വി​പ​ണി​ക​ളെയും ബാധിച്ചത്. ഏഷ്യന്‍ വിപണികളും വന്‍ നഷ്ടമാണ് നേരിട്ടത്. ജപ്പാന്‍ സൂചിക നിക്കി 8.3, ചൈനയിലെ ഷാങ്ഹായ് 3.3, ഹോങ്‌ങ്കോങ് ഹാങ്‌സങ് ആറ്, സിംഗപ്പൂര്‍ അഞ്ച്, ദക്ഷിണകൊറിയയിലെ കോസപി അഞ്ച് ശതമാനം എന്നിങ്ങനെ സൂചികകൾ നഷ്ടത്തിലാണ്.

shortlink

Related Articles

Post Your Comments

Related Articles


Back to top button