ഏകദിനത്തില്‍ ഓസ്‌ട്രേലിയയുടെ നായകനായ ആരോണ്‍ ഫിഞ്ച് ലോകക്രിക്കറ്റില്‍ ഇപ്പോളുള്ള ഏറ്റവും മികച്ച ഓപ്പണിംഗ് ബാറ്റ്‌സ്മാന്മാരില്‍ ഒരാള്‍ കൂടിയാണ്. 2018 ല്‍ നാട്ടില്‍ ഇന്ത്യയ്‌ക്കെതിരെ നടന്ന പരമ്പരയെക്കുറിച്ച് മനസ് തുറന്നിരിക്കുകയാണ് ഫിഞ്ച്. ഈ പരമ്പരയില്‍ ഇന്ത്യന്‍ പേസര്‍മാരായ ജസ്പ്രിത് ബുംറ, ഭുവനേശ്വര്‍ കുമാര്‍ എന്നിവരെ നേരിടാന്‍ താന്‍ ഭയപ്പെട്ടിരുന്നുവെന്നാണ് അന്ന് ബാറ്റിംഗില്‍ പരാജയപ്പെട്ട ഫിഞ്ച് വെളിപ്പെടുത്തിയിരിക്കുന്നത്.
തിരിയുന്ന പന്തുകളുമായി ഭുവനേശ്വര്‍ ഈ പരമ്പരയില്‍ തന്നെ വട്ടംകറക്കിയെന്നും, ബുംറയും, ഭുവനേശ്വര്‍ കുമാറും ഔട്ടാക്കുന്നത് ഓര്‍ത്ത് പല രാത്രിയിലും താന്‍ ഉറങ്ങിയിട്ടില്ലെന്നും ഫിഞ്ച് പറയുന്നു. പരമ്പരയില്‍ ടെസ്റ്റിലും, ഏകദിനത്തിലും ഇന്ത്യയോട് പരാജയപ്പെട്ട ഓസ്ട്രേലിയ ടി20 സീരീസ് സമനിലയില്‍ പിടിച്ചുകെട്ടുകയായിരുന്നു.
Post Your Comments