കോവിഡ് 19 : രണ്ടു രാജ്യങ്ങളിൽ ചൈ​ന വി​ത​ര​ണം ചെ​യ്ത പ​രി​ശോ​ധ​ന കി​റ്റു​ക​ൾ പ്ര​വ​ർ​ത്ത​ന​ര​ഹി​തമെന്നു റിപ്പോർട്ട്

മാഡ്രിഡ് : കോവിഡ് 19 വൈറസ് ബാധ കണ്ടെത്തുന്നതിനായി സ്പെ​യി​നി​ലും ചെ​ക്ക് റി​പ്പ​ബ്ലി​ക്കി​ലും ചൈ​ന വി​ത​ര​ണം ചെയ്ത പ​രി​ശോ​ധ​ന കി​റ്റു​ക​ൾ പ്ര​വ​ർ​ത്ത​ന​ര​ഹി​തമെന്നു റിപ്പോർട്ട്. രണ്ടു രാജ്യങ്ങളിലും ചൈ​ന ന​ൽ​കിയ കി​റ്റു​കളിൽ ഭൂ​രി​ഭാ​ഗം പ്ര​വ​ർ​ത്തി​ക്കു​ന്നി​ല്ലെ​ന്നാ​ണ് വിവരം. ഈ ​മാ​സം ചെ​ക്ക് റി​പ്പ​ബ്ലി​ക്കി​ന് കൈ​മാ​റി​യ 150,000 കി​റ്റു​ക​ളി​ൽ 80 ശ​ത​മാ​ന​ത്തി​നും ത​ക​രാ​റു​ണ്ടെ​ന്നാണ് പ്രാ​ദേ​ശിക ചെ​ക്ക് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെയ്തിരിക്കുന്നത്. 100,000 കി​റ്റു​ക​ൾ​ക്കാ​യി ചെ​ക്ക് റി​പ്പ​ബ്ലി​ക്ക് 5.4 ല​ക്ഷം ഡോ​ള​റാ​ണ് ചെ​ല​വി​ട്ട​ത്.

Also read : ലോക് ഡൗണില്‍ ജനങ്ങള്‍ക്കൊപ്പം മിണ്ടാപ്രാണികളും പട്ടിണി കിടക്കരുത് : പ്രധാനമന്ത്രിയുടെ നിര്‍ദേശം ഏറ്റെടുത്ത് സേവാഭാരതി

ചൈ​ന​യു​ടെ ഉ​പ​ക​ര​ണ​ത്തിന് പ​ത്ത് മു​ത​ൽ പ​തി​ന​ഞ്ച് മി​നി​റ്റി​നു​ള്ളി​ൽ ഫ​ലം ത​രാ​ൻ സാ​ധി​ക്കുമെങ്കിലും ഇ​വ​യ്ക്ക് കൃ​ത്യ​ത​യി​ല്ലെ​ന്നും റി​പ്പോ​ർ​ട്ടു​ണ്ട്. പോ​സി​റ്റീ​വ് കേ​സു​ക​ൾ യ​ഥാ​വി​ധം ചെെനയുടെ കിറ്റുകൾ ക​ണ്ടെ​ത്തു​ന്നി​ല്ലെ​ന്ന് ആ​രോ​പണവുമായി സ്പെ​യി​നും രംഗത്തെത്തിയിട്ടുണ്ട്. കോവിഡ് 19 സ്ഥി​രീ​ക​രി​ക്കു​ന്ന​തി​ൽ ചൈ​ന കി​റ്റു​ക​ളുടെ കൃ​ത്യ​ത 30 ശ​ത​മാ​ന​ത്തി​ൽ താ​ഴെ മാ​ത്രമാണെന്നു സ്പെ​യി​നി​ലെ മൈ​ക്രോ ബ​യോ​ള​ജി​സ്റ്റു​ക​ൾ പ​റ​യു​ന്നു. നി​ല​വി​ലു​ള്ള പി​സി​ആ​ർ ടെ​സ്റ്റു​ക​ൾ തു​ട​രാ​നാ​ണ് സ്പെ​യി​ന്‍റെ തീ​രു​മാ​നം. ചൈ​ന​യു​ടെ കി​റ്റു​ക​ൾ പ​രാ​ജ​യ​പ്പെ​ട്ട സ്ഥി​തി​ക്ക് എ​ല്ലാം തി​രി​ച്ച​യ​ക്കു​മെ​ന്നും സ്പെ​യി​ൻ അ​ധി​കൃ​ത​ർ അ​റി​യി​ച്ചു.