കൂത്താട്ടുകുളം : യുകെയില്‍ കോവിഡ് 19 രോഗബാധയെ തുടര്‍ന്ന് വീണ്ടും ഒരു മലയാളി കൂടി നിര്യാതനായി. നേരത്തെ ചികിത്സയിലായിരുന്ന കൂത്താട്ടുകുളം കിഴകൊമ്പ് മോളെപ്പറമ്പില്‍ എം.എം. സിബി (49) ആണ് മരണമടഞ്ഞത്. കഴിഞ്ഞ ശനിയാഴ്ചയാണ് സിബിയെ ആശുപത്രിയില്‍ പ്രവേശിപ്പിച്ചത്. ഹൃദയാഘാതത്തെ തുടര്‍ന്ന് വെള്ളിയാഴ്ച വൈകുന്നേരമായിരുന്നു മരണം.
പ്രധാനമന്ത്രി രാജ്യത്തെ വീണ്ടും അഭിസംബോധന ചെയ്തേക്കും, ലോക്ക് ഡൗണ്‍ നീട്ടാന്‍ സാധ്യത
യുകെ ഡെര്‍ബിയിലെ ആശുപത്രിയില്‍ ചികിത്സയില്‍ ഇരിക്കെയാണ് മരണം സംഭവിച്ചത്. സിബിയും കുടുംബവും കഴിഞ്ഞ ഏഴു വര്‍ഷമായി യുകെയിലാണ്. സിബി യുകെ മിനിസ്ട്രിയുടെ കീഴിലുള്ള ആശുപത്രിയില്‍ ജോലി ചെയ്തുവരികയായിരുന്നു.ഭാര്യ: അനു. മക്കള്‍: മാര്‍ക്ക് (നാല്), ജോണ്‍ (12). ഭാര്യയും മക്കളും ഡെര്‍ബിയിലെ വീട്ടില്‍ നിരീക്ഷണത്തിലാണ്. അനു യുകെയില്‍ നഴ്‌സായി ജോലിചെയ്യുകയാണ്.
Post Your Comments