കൊറോണ വൈറസ് മനുഷ്യനിലെത്തിയത് തെരുവുനായകളില്‍ നിന്നോ ? നിർണായക പഠനം പുറത്ത്

ഒട്ടാവ: ലോകത്ത് മഹാമാരിയായി മരണം വിതച്ചു കൊണ്ടിരിക്കുന്ന കൊറോണ വൈറസ് മനുഷ്യനിലെത്തിയത് തെരുവുനായകളില്‍ നിന്നാണെന്ന് പഠനം. കൊവിഡ് 19ന് കാരണമായ സാഴ്‌സ് കോവ് 2 (സിവിയര്‍ അക്യൂട്ട് റെസ്പിറേറ്ററി സിന്‍ഡ്രം കൊറോണവൈറസ് 2) വിന്റെ ഉത്ഭവം തെരുവുനായകളില്‍ നിന്നാകാം എന്ന കണ്ടെത്തലുമായി രംഗത്തെത്തിയിരിക്കുകയാണ് ഒട്ടാവ യൂണിവേഴ്‌സിറ്റിയിലെ പ്രൊഫസറായ സുഹുവ സിയ. പ്രത്യേകിച്ചും നായകളുടെ കുടലില്‍ നിന്നാണ് സാഴ്‌സ് കോവ് 2 ഉണ്ടായിരിക്കുന്നതെന്ന് ഇദ്ദേഹം പറയുന്നു.

ഈനാംപേച്ചിയാണ് വൈറസിന്റെ ഉത്ഭവകേന്ദ്രമെന്ന് വാര്‍ത്തകള്‍ വന്നിട്ടുണ്ട്. എന്നാല്‍ ഇത് ഔദ്യോഗികമായി സ്ഥിരീകരിക്കപ്പെട്ടിട്ടില്ല. മാത്രവുമല്ല, ഈനാംപേച്ചിയില്‍ നിന്ന് വേര്‍തിരിച്ചെടുത്ത വൈറസിന് സാഴ്‌സ് കോവ് 2വുമായി വളരെയധികം വ്യത്യാസമുണ്ടെന്നും കണ്ടെത്തലുകളുണ്ട്.

ഇപ്പോഴിതാ, തെരുവുനായകളില്‍ നിന്നാകാം ഈ വൈറസിന്റെ ഉത്ഭവമെന്ന
‘ഞങ്ങളുടെ നിരീക്ഷണം സാഴ്‌സ് കോവ് 2വിന്റെ ഉത്ഭവത്തെക്കുറിച്ചുള്ള ഒരു പുതിയ സിദ്ധാന്തത്തിലേക്കെത്തിച്ചിരിക്കുകയാണ്. സാഴ്‌സ് കോവ് 2 വൈറസുകളോട് ഏറ്റവും സാമ്യമുള്ള വവ്വാലുകളിലുള്ള കൊറോണ വൈറസ് കാനിഡുക(നായവര്‍ഗം)ളുടെ കുടലിനെ ബാധിച്ചിട്ടുണ്ട്.

ഈ വൈറസ് കാനിഡുകളില്‍ നിന്ന് പരിണാമം സംഭവിച്ച്‌ മനുഷ്യനിലേക്ക് എത്തുകയായിരുന്നു. അതുകൊണ്ട് തന്നെ കൊറോണയ്‌ക്കെതിരായ പോരാട്ടത്തില്‍ നായകളിലെ വൈറസ് സാന്നിദ്ധ്യം നിരീക്ഷിക്കേണ്ടത് അത്യന്താപേക്ഷിതമാണ് ‘, സിയ പറഞ്ഞു. മോളിക്യുലാര്‍ ബയോളജി ആന്‍ഡ് ഇവല്യൂഷന്‍’ എന്ന ജേണലിന്റെ ഓണ്‍ലൈന്‍ എഡിഷനില്‍ സിയയുടെ കണ്ടെത്തലുകള്‍ ഉള്‍പ്പെടുത്തിയിട്ടുണ്ട്.