തിരുവനന്തപുരം: ഡല്‍ഹിയിൽ കുടുങ്ങിയ മലയാളി വിദ്യാര്‍ത്ഥികളെ നാട്ടിലെത്തിച്ച് മുന്‍ മുഖ്യമന്ത്രി ഉമ്മന്‍ചാണ്ടി. ഇറ്റലിയില്‍ നിന്ന് ഡല്‍ഹിയിലെത്തിയ നാല്‍പ്പത്തിമൂന്ന് വിദ്യാർത്ഥികളാണ് സഹായത്തിനായി ഉമ്മൻ ചാണ്ടിയെ വിളിച്ചത്. ഇറ്റലിയില്‍ നിന്നും മാര്‍ച്ച്‌ പതിനാലിനെത്തിയ ഇവർ 28 ദിവസം സൈനിക ക്യാമ്പിൽ നിരീക്ഷണത്തിലായിരുന്നു.
നിരീക്ഷണ കാലാവധി പൂര്‍ത്തിയായെങ്കിലും കേരളത്തിലെക്ക് വരാന്‍ യാതൊരു മാര്‍ഗവും ഇല്ലാത്തതിനാൽ ഉമ്മൻ ചാണ്ടിയെ വിളിക്കുകയായിരുന്നു. തുടര്‍ന്ന് അദ്ദേഹം ഇടപെട്ട് സംസ്ഥാനങ്ങള്‍ കടക്കാനുള്ള പ്രത്യേക പാസും അടിയന്തരാവശ്യത്തിനുള്ള ഭക്ഷണവും ലഭ്യമാക്കി. രണ്ടു വാഹനങ്ങളിലായാണ് ഇവർ കേരളത്തിൽ എത്തിയത്.
Post Your Comments