പരോളിലിറങ്ങിയ കൊലക്കേസ് പ്രതി ഒന്നാം സാക്ഷിയെ ആക്രമിച്ചു; ആക്രമിച്ചത് ബിജെപി പ്രവർത്തകനെ കൊലപ്പെടുത്തിയ കേസിലെ പ്രതി

മറ്റത്തൂർ: പരോളിലിറങ്ങിയ കൊലക്കേസ് പ്രതി അതേ കേസിലെ ഒന്നാം സാക്ഷിയെ ആക്രമിച്ചു. കോവിഡ് പശ്ചാത്തലത്തിലാണ് ഇയാൾ പരോളിലിറങ്ങിയത്. വാസുപുരം കളത്തറവീട്ടിൽ സതീഷ് (39) ആണ് പരാതിക്കാരൻ. സംഭവത്തിൽ വാസുപുരം ചെരുപറമ്പിൽ ഷാന്റോ (32) യുടെ പേരിൽ വെള്ളിക്കുളങ്ങര പൊലീസ് കേസെടുത്തു.

ALSO READ: കോവിഡ് വ്യാപന ഭീതിയിൽ തമിഴ്‌നാടും, മഹാരാഷ്ട്രയും; സ്വകാര്യ ആശുപത്രികളോട് കിടക്കകൾ പാവപ്പെട്ടവർക്കായി മാറ്റിവയ്ക്കണമെന്നു നിർദേശം

കഴുത്തിൽ പരിക്കേറ്റ സതീഷ് സ്വകാര്യ ആശുപത്രിയിൽ ചികിത്സയിലാണ്. ബിജെപി പ്രവർത്തകനായ അഭിലാഷിനെ കൊലപ്പെടുത്തിയ കേസിലാണ് സി പി എം പ്രവർത്തകനായ ഷാന്റോ ജീവപര്യന്തം ശിക്ഷ അനുഭവിച്ചു വരുന്നത്.