തിരുവനന്തപുരം; ഇന്ന് മുതൽ സര്‍ക്കാര്‍ ഇളവ് നല്‍കിയ കടകള്‍ തുറക്കുന്നതിന് തദ്ദേശസ്ഥാപനത്തിന്റെ അനുമതി ആവശ്യമില്ലെന്ന് മുഖ്യമന്ത്രി, ഞായറാഴ്ച പൊതു അവധിയാണെങ്കിലും റമദാന്‍ മാസമായതിനാല്‍ ഭക്ഷണം പാര്‍സല്‍ നല്‍കുന്ന സ്ഥാപനങ്ങള്‍ക്ക് ഉച്ചക്കുശേഷം പ്രവര്‍ത്തിക്കാം, ഭക്ഷണം പാര്‍സല്‍ അയക്കുന്ന മറ്റ് സ്ഥാപനങ്ങള്‍ക്കും പ്രവര്‍ത്തിക്കാമെന്നും മുഖ്യമന്ത്രി വ്യക്തമാക്കി.
നിലവിലുള്ള മറ്റ് ഇളവുകള്‍, പ്രഖ്യാപനങ്ങള്‍
വാഹന ഷോറൂമുകള്‍ക്കും ഓട്ടോമൊബൈല്‍ വര്‍ക്ക്ഷോപ്പുകള്‍ക്കും കണ്ടെയിന്‍മെന്റ്സോണില്‍ ഒഴികെ പ്രവര്‍ത്തിക്കാം.
കണ്ടെയിന്‍മെന്റ് സോണില്‍ ഒഴികെ റോഡുകള്‍ അടച്ചിടില്ല. റെഡ്സോണിലും ഇത് ബാധകം.
നിബന്ധനകള്‍ക്ക് വിധേയമായി വാഹനങ്ങള്‍ അനുവദിക്കും. പൊതുഗതാഗതമില്ല.
വിവിധ ജില്ലകളില്‍ ലോക്ഡൗണില്‍ കുടുങ്ങിയവര്‍ക്ക് സ്വന്തം ജില്ലയിലേക്ക് മടങ്ങുന്നതിനും അത്യാവശ്യകാര്യങ്ങള്‍ക്ക് തൊട്ടടുത്ത ജില്ലകളിലേക്ക് പോകേണ്ടവര്‍ക്കും ബന്ധപ്പെട്ട പൊലീസ് സ്റ്റേഷനില്‍നിന്ന് (നിലവില്‍ അവര്‍ സ്ഥിതിചെയ്യുന്ന) പാസ് വാങ്ങാം. ലക്ഷദ്വീപില്‍ കഴിയുന്ന മലയാളികളെ തിരിച്ചെത്തിക്കും എന്നിവയാണവ.
Post Your Comments