അടച്ചുപൂട്ടൽ അവസാനിപ്പിക്കുന്ന അമേരിക്കയ്ക്ക് കനത്ത തിരിച്ചടി; കോവിഡ് വ്യാപനത്തിൽ വൻ കുതിപ്പ്

ഫ്ളോ​റി​ഡ: ലോക്ക് ഡൗൺ നടപടികൾ അവസാനിപ്പിക്കുന്ന അമേരിക്കയ്ക്ക് കനത്ത തിരിച്ചടി.അ​മേ​രി​ക്ക​യി​ലെ വി​വി​ധ സം​സ്ഥാ​ന​ങ്ങ​ളി​ല്‍ കോ​വി​ഡ് ബാ​ധി​ത​രു​ടെ എണ്ണത്തിൽ വൻ കുതിപ്പ്. തി​ങ്ക​ളാ​ഴ്ച വീ​ണ്ടും തു​റ​ന്ന​തി​നു ശേ​ഷം ഫ്ളോ​റി​ഡ​യി​ല്‍ 2,000 ല്‍ ​അ​ധി​കം പു​തി​യ കേ​സു​ക​ളാ​ണ് റി​പ്പോ​ര്‍​ട്ട് ചെ​യ്യ​പ്പെ​ട്ട​ത്. ഇ​തോ​ടെ ഇ​വി​ടു​ത്തെ രോ​ഗ​ബാ​ധി​ത​രു​ടെ എ​ണ്ണം 40,596 ആ​യി ഉ​യ​ര്‍​ന്നു.

37,829 പേ​രാ​ണ് ആ​ശു​പ​ത്രി​ക​ളി​ല്‍ ചി​കി​ത്സ​യി​ലു​ള്ള​ത്. 1,721 പേ​രാ​ണ് ഇ​വി​ടെ കോ​വി​ഡ് ബാ​ധി​ച്ച്‌ മ​രി​ച്ച​ത്.1,046 പേ​ര്‍​ക്ക് മാ​ത്ര​മാ​ണ് ഫ്ളോ​റി​ഡ​യി​ല്‍ രോ​ഗ​മു​ക്തി നേ​ടാ​നാ​യെ​തെ​ന്നാ​ണ് ഒൗ​ദ്യോ​ഗി​ക വി​വ​രം.

അതേസമയം, ര​ണ്ടാം ഘ​ട്ട കോവിഡ് വ്യാപന ഭീതിയില്‍ ആണ് ഉ​ത്ത​ര​കൊ​റി​യ. ഇ​തി​ന്‍റെ ഭാ​ഗ​മാ​യി രാ​ജ്യ​ത്തെ മു​ഴു​വ​ന്‍ ബാ​റു​ക​ളും ക്ല​ബ്ബു​ക​ളും അ​ട​ക്കാ​ന്‍ കിം ഭ​ര​ണ​കൂ​ടം നി​ര്‍​ദേ​ശം ന​ല്‍​കി. തി​ങ്ക​ളാ​ഴ്ച മാ​ത്രം ഇ​വി​ടെ 34 പേ​ര്‍​ക്കാ​ണ് പു​തു​താ​യി രോ​ഗം ബാ​ധി​ച്ച​ത്.

ഇ​തോ​ടെ രാ​ജ്യ​ത്തെ കോവിഡ് ബാ​ധി​ത​രു​ടെ എ​ണ്ണം 10,874 ആ​യി ഉ​യ​ര്‍​ന്നു. ക​ഴി​ഞ്ഞ ദി​വ​സം രാ​ത്രി​യി​ല്‍ നി​ശാ​ക്ല​ബു​ക​ളി​ലും ഒ​രു ആ​ഘോ​ഷ പ​രി​പാ​ടി​യി​ലും എ​ത്തി​യ 29കാ​ര​നി​ല്‍ നി​ന്നാ​ണ് തി​ങ്ക​ളാ​ഴ്ച രോ​ഗം സ്ഥി​രീ​ക​രി​ച്ച​വ​രി​ല്‍ ഏ​റെ​പ്പേ​ര്‍​ക്കും വൈ​റ​സ് പ​ട​ര്‍​ന്ന​ത്.