കുവൈറ്റിൽ കോവിഡ് ബാധിച്ച് ചികിത്സയിൽ ആയിരുന്ന ഒരു ‌ മലയാളി കൂടി മരിച്ചു

കുവൈറ്റ് സിറ്റി : കോവിഡ് ബാധിച്ച് ചികിത്സയിലായിരുന്ന ഒരു മലയാളി കൂടി കുവൈറ്റിൽ മരിച്ചു.കൊല്ലം, അഞ്ചൽ ഏരൂർ, അശ്വതിഭവനിൽ രേണുക തങ്കമണി (ബിജി-47) ആണ് മരിച്ചത് ഫർവാനിയ ആശുപത്രിയിൽ ചികിത്സയിലായിരിക്കെ ആണ് മരണം സംഭവിച്ചത്. കൂടുതൽ വിവരങ്ങൾ ലഭ്യമല്ല.

ചികിത്സയിലായിരുന്ന മലയാളി നഴ്സ് കൂടി കുവൈറ്റിൽ മരിച്ചു. ജാബ്‌രിയ രക്തബാങ്കിൽ നഴ്സ് ആയ തിരുവല്ല മഞ്ഞാടി സ്വദേശി പാറക്കമണ്ണിൽ ആനി മാത്യു (54) ആണ് മരിച്ചത്. ഏതാനും ദിവസമായി ജാബർ ആശുപത്രിയിൽ ചികിത്സയിലായിരുന്നു. ഫെബ്രുവരി അവസാനമാണ് നാട്ടിൽനിന്നും എത്തിയത്. ഭർത്താവ്: മാത്യു. മക്കൾ: നിബിൻ, ഡോ.നിമ്മി, നിഥിൻ.

ALSO READ : രണ്ടാംഘട്ട ഒഴിപ്പിക്കല്‍ ദൗത്യത്തിന്‍റെ ഭാഗമായി ഐ.എന്‍.എസ് ജലശ്വ വീണ്ടും മാലിദ്വീപിലേക്ക്

മലയാളി യുവാവ് കഴിഞ്ഞ ദിവസം കുവൈറ്റിൽ കോവിഡ് ബാധിച്ച് മരിച്ചിരുന്നു. ദജീജിൽ ആർകിടെക്ട് ഓഫീസ് ജീവനക്കാരനായിരുന്ന പയ്യന്നൂർ കവ്വായി സ്വദേശി അക്കാളത്ത് അബ്ദുൽ ഗഫൂർ (34) ആണ് കുവൈറ്റിൽ മരിച്ചത്. പനി ബാധിച്ചതോടെ അബ്ദുൽ ഗഫൂറിനെ 3 ദിവസം മുൻപാണ് ആശുപത്രിയിൽ പ്രവേശിപ്പിച്ചത്. പിതാവ്: അബ്ദുറഹീം, മാതാവ്: ഫാത്തിമ. ഭാര്യ: ഉമൈമ. മകൻ: മുഹമ്മദ് ഹാനി.