Latest NewsNewsGulfQatar

ഖത്തറിൽ ഒരു പ്രവാസി കൂടി കോവിഡ് ബാധിച്ച് മരിച്ചു : രോഗബാധിതരുടെ എണ്ണം 30,000 കടന്നു

ദോഹ : ഖത്തറിൽ ഒരു പ്രവാസി കൂടി ശനിയാഴ്ച കോവിഡ് ബാധിച്ച് മരിച്ചു. 74 കാരനായ പ്രവാസിയാണ് മരണമടഞ്ഞത്. 1,547 പേരില്‍ കൂടി രോഗം സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 15ഉം,മൊത്തം രോഗബാധിതരുടെ എണ്ണം 30,972.ഉം ആയതായി പൊതുജനാരോഗ്യ മന്ത്രാലയം അറിയിച്ചു. രോഗ മുക്തരായവരുടെ എണ്ണം 3,788 ആയി ഉയർന്നു. നിലവിൽ 27,169 പേരാണ് ചികിത്സയിലുള്ളത്. ഇതിൽ 158 പേരാണ് തീവ്ര പരിചരണ വിഭാഗത്തിലുള്ളത്. . ആശുപത്രികളിലെ ഐസലേഷനുകളില്‍ 1,308 പേർ ചികിത്സയിലുണ്ട്. ഇതുവരെ 1,52,704 പേരാണ് കോവിഡ് പരിശോധനക്ക് വിധേയമായത്.

Also read : സൗദിയിൽ കൊവിഡ് ബാധിച്ച മലയാളി വെന്റിലേറ്ററിൽ, ഭാര്യ ആറ് മാസം പ്രായമുള്ള കുഞ്ഞുമായി ആത്മഹത്യ ചെയ്തു

ഒമാനിൽ കോവിഡ് ബാധിതരുടെ എണ്ണം 5000കടന്നു.404 പേര്‍ക്ക് കൂടി ശനിയാഴ്ച് രോഗം സ്ഥിരീകരിച്ചു. ഇതിൽ 67സ്വദേശികളും 337 പേര്‍ വിദേശികളുമാണ്. ഇതോടെ രാജ്യത്തെ കോവിഡ് ബാധിതരുടെ എണ്ണം 5029 ലെത്തി. രോഗ മുക്തി നേടിയവരുടെ എണ്ണം 1436 ആയി ഉയർന്നെന്നും, കോവിഡ് ബാധിച്ച് ഇതുവരെ 20പേർ മരിച്ചുവെന്നും മാന്‍ ആരോഗ്യ മന്ത്രാലയം ഇന്ന് പുറത്തിറക്കിയ വാര്‍ത്താ കുറിപ്പില്‍ പറയുന്നു. രണ്ട് മലയാളികള്‍ ഉള്‍പ്പെടെ 13 വിദേശികളും ഏഴ് സ്വദേശികളുമാണ് രാജ്യത്ത് ഇതുവരെ കോവിഡ് ബാധിച്ച് മരണപ്പെട്ടത്.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button