ഡാമിന്റെ ഷട്ടറുകൾ തുറക്കുന്നു: ജാഗ്രത പാലിക്കണമെന്ന് നിര്‍ദേശം

കൊ​ച്ചി: മഴമൂലം ജ​ല​നി​ര​പ്പ് ഉയർന്നതിനാൽ മ​ല​ങ്ക​ര ഡാമിലെ ഷട്ടറുകൾ നാളെ രാവിലെ തുറക്കും. രാവിലെ ആറു മണിക്ക് 20 സെ​ന്‍റി മീ​റ്റ​ര്‍ വീ​ത​മാ​ണ് മൂന്ന് ഷ​ട്ട​റു​ക​ളും തു​റ​ക്കു​ന്ന​ത്. ശനിയാഴ്ചയോടെ ഡാമിന്റെ ജലനിരപ്പ് 41.64 മീറ്ററില്‍ എത്തിയ സാഹചര്യത്തിലാണ് ഷട്ടറുകള്‍ തുറക്കാന്‍ തീരുമാനിച്ചത്. തൊടുപുഴ, മൂവാറ്റുപുഴ നദികളുടെയും കൈവഴികളുടെ ഒഴുക്ക് ശക്തിപ്പെടാനിടയുള്ളതിനാല്‍ ജാഗ്രത പാലിക്കണമെന്ന് എ​റ​ണാ​കു​ളം ജി​ല്ലാ ക​ള​ക്ട​ര്‍ എ​സ്. സു​ഹാ​സ് അറിയിച്ചു.

Read also: അരുണാചലില്‍ സിവിലിയന്മാരെ മനുഷ്യ കവചങ്ങളാക്കി ഇന്ത്യന്‍ സൈനികര്‍ക്ക് നേരെ വെടിവെപ്പ്

അതേസമയം, സം​സ്ഥാ​ന​ത്ത് ചി​ല​യി​ട​ങ്ങ​ളി​ല്‍ ശ​ക്ത​മാ​യ മ​ഴ​യ്ക്കു സാദ്ധ്യത​യു​ണ്ടെ​ന്ന് കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം മു​ന്ന​റി​യി​പ്പ് ന​ല്‍​കിയതിന്റെ പശ്ചാത്തലത്തിൽ വിവിധ ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്. ശനിയാഴ്ച കൊല്ലം, പത്തനംതിട്ട, ആലപ്പുഴ, കോട്ടയം എറണാകുളം, ഇടുക്കി, കണ്ണൂര്‍ എന്നിവിടങ്ങളിലും ഞായറാഴ്ച കൊല്ലം, പത്തനംതിട്ട, ആലപ്പുഴ, കോട്ടയം എറണാകുളം, ഇടുക്കി, തൃശൂര്‍, പാലക്കാട് എന്നീ ജില്ലകളിലും മെയ് 18ന്‌ കൊല്ലം, പത്തനംതിട്ട, ആലപ്പുഴ, കോട്ടയം എറണാകുളം, ഇടുക്കി, തൃശൂര്‍, പാലക്കാട്, മലപ്പുറം ജില്ലകളിലുമാണ് അലർട്ട് പ്രഖ്യാപിച്ചിരിക്കുന്നത്.