സം​സ്ഥാ​ന​ത്ത് ലോ​ട്ട​റി വി​ല്‍​പ്പ​ന പു​ന​രാ​രം​ഭി​ക്കുന്ന തീയതി തീരുമാനിച്ചു

തിരുവനന്തപുരം : സം​സ്ഥാ​ന​ത്ത് ലോ​ട്ട​റി വി​ല്‍​പ്പ​ന പു​ന​രാ​രം​ഭി​ക്കുന്ന തീയതി തീരുമാനിച്ചു. ധ​ന​മ​ന്ത്രി തോ​മ​സ് ഐ​സ​ക്ക് ലോ​ട്ട​റി ഏ​ജ​ന്‍റു​മാ​രു​ടെ സം​ഘ​ട​നാ പ്ര​തി​നി​ധി​ക​ളു​മാ​യി ന​ട​ത്തി​യ ച​ര്‍​ച്ച​യിൽ വ്യാ​ഴാ​ഴ്ച(21) മു​ത​ല്‍ വിൽപ്പന ആരംഭിക്കുവാനാണ് തീരുമാനിച്ചത്. കോവിഡ് പ്രതിസന്ധി കാരണം മാ​റ്റി​വെ​ച്ച ന​റു​ക്കെ​ടു​പ്പ് ആ​ഴ്ച​യി​ല്‍ തി​ങ്ക​ള്‍ വ്യാ​ഴം ദി​വ​സ​ങ്ങ​ളി​ല്‍ ന​ട​ത്തും, ഇതിന്റെ അടിസ്ഥാനത്തിൽ ആ​ദ്യ ന​റു​ക്കെ​ടു​പ്പ് ജൂ​ണ്‍ ഒ​ന്നി​ന് ന​ട​ത്താ​നാ​ണ് സാ​ധ്യ​ത. ക്ഷേ​മ​നി​ധി അം​ഗ​ങ്ങ​ളാ​യ ഭാ​ഗ്യ​ക്കു​റി ക​ച്ച​വ​ട​ക്കാ​ര്‍​ക്ക് 100 ടി​ക്ക​റ്റു​ക​ള്‍ വ​രെ ക​ട​മാ​യി ന​ല്‍​കാ​നും തീ​രു​മാനിച്ചു.

അതേസമയം സംസ്ഥാനത്ത് ചൊവ്വാഴ്ച 12 പേര്‍ക്ക് കൂടി കോവിഡ് 19 സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു. കണ്ണൂര്‍ 5, മലപ്പുറം 3, പത്തനംതിട്ട, ആലപ്പുഴ, പാലക്കാട്, തൃശൂര്‍ എന്നിവിടങ്ങളില്‍ ഓരോരുത്തര്‍ക്കുമാണ് രോഗം സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില്‍ എല്ലാവരും പുറത്ത് നിന്ന് വന്നവരാണ്. ഇവരില്‍ നാല് പേര്‍ വിദേശത്ത് നിന്നുമെത്തി. 8 പേര്‍ മറ്റു സംസ്ഥാനങ്ങളില്‍ നിന്ന് വന്നവരാണ്. ഇവരില്‍ 6 പേര്‍ മഹാരാഷ്ട്രയില്‍ നിന്നും മറ്റു രണ്ട് പേരില്‍ ഒരാള്‍ ഗുജറാത്തില്‍ നിന്നും ഒരാള്‍ തമിഴ്നാട്ടില്‍ നിന്നുമെത്തിയതാണ്. ഇന്ന് ആരും രോഗമുക്തി നേടിയില്ല. സംസ്ഥാനത്ത് ഇതുവരെ 642 പേര്‍ക്കാണ് രോഗം സ്ഥിരീകരിച്ചത്. 142 പേരാണ് നിലവില്‍ ചികിത്സയിലുള്ളത്. ഇന്ന് പുതുതായി 119 പേരെ ആശുപത്രിയില്‍ പ്രവേശിപ്പിച്ചു.

Also read : ജൂണ്‍ മുതല്‍ കേരളത്തിലേയ്ക്ക് നോണ്‍-എസി ട്രെയിനുകള്‍ : വിവരങ്ങള്‍ പുറത്തുവിട്ട് റെയില്‍വേ : അറിയിപ്പ് കിട്ടിയ യാത്രക്കാരോട് പണമടയ്ക്കാന്‍ നിര്‍ദേശം

നിലവില്‍ 72,000 പേര്‍ സംസ്ഥാനത്ത് നിരീക്ഷണത്തിൽ കഴിയുന്നത്. ഇവരില്‍ 71,445 പേര്‍ വീടുകളിലും 455 പേര്‍ ആശുപത്രികളിലുമാണ്. ഇതുവരെ 46,958 സാംപിളുകള്‍ പരിശോധിച്ചു. ഫലം വന്നവയില്‍ 45,527 സാംപിളുകള്‍ നെഗറ്റീവാണ്. സംസ്ഥാനത്ത് നിലവില്‍ 33 ഹോട്ട് സ്പോട്ടുകള്‍ ആണുള്ളത്. കണ്ണൂരിലെ പാനൂര്‍ നഗരസഭ, മയ്യില്‍, ചൊക്ലി പഞ്ചായത്തുകള്‍, കോട്ടയം ജില്ലയിലെ കോരുത്തോട് പഞ്ചായത്ത് എന്നിവയാണ് ഇന്ന് പുതുതായി പട്ടികയില്‍ ഉള്‍പ്പെടുത്തിയ ഹോട്ട് സ്പോട്ടുകള്‍.