ഓഹരി വിപണി ഇന്നും നേട്ടത്തിൽ അവസാനിച്ചു

മുംബൈ : വ്യാപാര ആഴ്ചയിലെ മൂന്നാം ദിനത്തിൽ ഓഹരി വിപണി അവസാനിച്ചത് നേട്ടത്തിൽ. 622.44 പോയിന്റ് ഉയർന്ന് 30,818.61ലും നിഫ്റ്റി 187.45 പോയിന്റ് ഉയർന്ന് 9066.55ലുമാണ് വ്യാപാരം അവസാനിപ്പിച്ചത്. ഏഷ്യന്‍ വിപണികളിലെ നേട്ടമാണ് രാജ്യത്തെ സൂചികകളിലും പ്രതിഫലിച്ചത്. നിഫ്റ്റി ഉയരുന്നതിന് കാരണമായത്, ഫാര്‍മ, ഓട്ടോ, ബാങ്കിങ് ഓഹരികളാണ്. ബിഎസ്ഇയിലെ 1277 കമ്പനികളുടെ ഓഹരികള്‍ നേട്ടത്തിലും 1004 ഓഹരികള്‍ നഷ്ടത്തിലുമായപ്പോൾ 169 ഓഹരികള്‍ക്ക് മാറ്റമില്ല.

വാഹനം, ഊര്‍ജം, ബാങ്ക് സൂചികകളും നേട്ടമുണ്ടാക്കി. ബിഎസ്ഇ മിഡക്യാപ്, സ്‌മോള്‍ ക്യാപ് സൂചികകള്‍ ഒരുശതമാനത്തിലേറെ ഉയര്‍ന്നു. ശ്രീ സിമെന്റ്‌സ്, ഡോ.റെഡ്ഡീസ് ലാബ്, എച്ച്ഡിഎഫ്‌സി, എംആന്റ്എം, ബിപിസിഎല്‍, ഗെയില്‍, യുപിഎല്‍, ഗ്രാസിം, എല്‍ആന്റ്ടി, സിപ്ല തുടങ്ങിയ ഓഹരികള്‍ നേട്ടത്തിലും, രതി ഇന്‍ഫ്രടെല്‍, ഇന്‍ഡസിന്റ് ബാങ്ക്, ഹീറോ മോട്ടോര്‍കോര്‍പ്, വേദാന്ത, ഭാരതി എയര്‍ടെല്‍, കോള്‍ ഇന്ത്യ, ഏഷ്യന്‍ പെയിന്റ്‌സ് തുടങ്ങിയ ഓഹരികള്‍ നഷ്ടത്തിലുമാണ് അവസാനിച്ചത്.