അബുദാബിയിൽ കോവിഡ് ബാധിച്ച് ഒരു മലയാളി കൂടി മരിച്ചു

ദുബായ് : യുഎഇയിൽ ഒരു മലയാളി കൂടി കോവിഡ് ബാധിച്ച് മരിച്ചു. ബേക്കല്‍ പള്ളിപ്പുഴചട്ടഞ്ചാല്‍ വടക്കേപറമ്പ് അമ്പത്തി അഞ്ചാം മൈലില്‍ താമസിക്കുന്ന ഇസ്ഹാഖ് (44) ആണ് അബുദാബിയിൽ മരിച്ചത്. ഇന്ന് തന്നെ 3 മലയാളികളാണ് കോവിഡ് ബാധിച്ച് യുഎഇയിൽ മരിച്ചത്.

കഴിഞ്ഞ 48 മണിക്കൂറിനിടെ 18 മലയാളികളാണ് ഗള്‍ഫില്‍ കോവിഡ് ബാധിച്ച് മരിച്ചത്. ഇതോടെ ഗള്‍ഫില്‍ മരിച്ച മലയാളികളുടെ എണ്ണം 120 ആയി.