Latest NewsNewsInternational

ഒക്ടോബര്‍ അവസാനത്തോടെ കോവിഡ് വാക്സിന്‍ തയ്യാറാകുമെന്ന് ആഗോള മരുന്ന് ഭീമന്‍ ഫൈസര്‍

ന്യൂയോര്‍ക്ക് • ഒക്ടോബർ അവസാനത്തോടെ കോവിഡ് -19 തടയുന്നതിനുള്ള വാക്സിൻ തയ്യാറാകുമെന്ന അവകാശവാദവുമായി ആഗോള മരുന്ന് ഭീമന്‍ ഫൈസറിന്റെ സി.ഇ.ഒ ആൽബർട്ട് ബൗര്‍ല.

ജർമ്മൻ എം‌ആർ‌എൻ‌എ കമ്പനിയായ ബയോ‌എന്‍ടെക്കുമായി സഹകരിച്ച് കോവിഡ് -19 തടയുന്നതിനായുള്ള ബി‌എൻ‌ടി 1662 വാക്സിൻ പരിപാടിയ്ക്കായി ഫൈസര്‍ യു‌.എസിലും യൂറോപ്പിലും ക്ലിനിക്കൽ പരീക്ഷണങ്ങൾ നടത്തി വരികയാണ്.

ഇന്റർനാഷണൽ ഫെഡറേഷൻ ഓഫ് ഫാർമസ്യൂട്ടിക്കൽ മാനുഫാക്ചറേഴ്സ് & അസോസിയേഷൻസ് (ഐ‌എഫ്‌പി‌എം‌എ) ഈ ആഴ്ച സംഘടിപ്പിച്ച വെർച്വൽ പരിപാടിയിൽ ബൗര്‍ല ഇക്കാര്യം വ്യക്തമാക്കിയത്.

കാര്യങ്ങൾ ശരിയായി നടക്കുകയും എഫ്ഡി‌എ (യു‌എസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ)യ്ക്കും ഇഎം‌എ (യൂറോപ്യൻ മെഡിസിൻസ് ഏജൻസി)യ്ക്കും സുഖകരമായി തോന്നുകയും ചെയ്താല്‍ ഒക്ടോബർ അവസാനത്തോടെ വാക്സിന്‍ ലഭ്യാമാകുമെന്ന് അദ്ദേഹം പറഞ്ഞു.

ആസ്ട്രസെനെക്ക സിഇഒ പാസ്കൽ സോറിയറ്റ്, ഗ്ലാക്സോ സ്മിത്ത്ക്ലൈൻ (ജിഎസ്കെ) മേധാവി എമ്മ വാൽംസ്ലി, ജോൺസൺ ആന്‍ഡ്‌ ജോൺസൺ ചീഫ് സയന്റിഫിക് ഓഫീസർ പോൾ സ്റ്റോഫെൽസ് എന്നിവരും ചടങ്ങിൽ പങ്കെടുത്തു.

ഈ കമ്പനികൾ ഓരോന്നും തങ്ങളുടെ പങ്കാളികളുമായി ചേർന്ന് രോഗം തടയുന്നതിനായി ഒരു വാക്സിൻ വികസിപ്പിക്കുന്നതിനുള്ള ശ്രമത്തിലാണ്.

ജി‌എസ്‌കെ സനോഫിയുമായി ചേര്‍ന്ന് പ്രവര്‍ത്തിക്കുമ്പോള്‍, ഓക്‌സ്‌ഫോർഡ് സർവകലാശാലയിൽ വികസിപ്പിച്ചുകൊണ്ടിരിക്കുന്ന വാക്‌സിനുകളെ അസ്ട്രാസെനെക്ക പിന്തുണയ്ക്കുന്നു.

വാക്സിൻ വികസിപ്പിക്കുന്നതിന് യുഎസ് ബയോമെഡിക്കൽ അഡ്വാൻസ്ഡ് റിസർച്ച് ആൻഡ് ഡവലപ്മെൻറ് അതോറിറ്റിയുമായി ജോണ്‍സണ്‍ ആന്‍ഡ്‌ ജോണ്‍സണും സഹകരിക്കുന്നു.

ഇതുവരെ 120 ലധികം വാക്സിനുകകളാണ് ലോകമെമ്പാടും വികസിപ്പിച്ചുകൊണ്ടിരിക്കുന്നത്. നിലവിൽ, ക്ലിനിക്കൽ മൂല്യനിർണ്ണയത്തിൽ കുറഞ്ഞത് 10 കാൻഡിഡേറ്റ് വാക്സിനുകളും പ്രീ-ക്ലിനിക്കൽ വിലയിരുത്തലിൽ 115 കാൻഡിഡേറ്റ് വാക്സിനുകളും ഉണ്ട്.

ലോകാരോഗ്യ സംഘടനയുടെ അഭിപ്രായത്തിൽ, കഴിയുന്നത്ര വാക്സിനുകൾ വിലയിരുത്തേണ്ടത് പ്രധാനമാണ്, എത്രയെണ്ണം പ്രായോഗികമാകുമെന്ന് നമുക്ക് പ്രവചിക്കാൻ കഴിയില്ല.

വിജയസാധ്യത വർദ്ധിപ്പിക്കുന്നതിന്, എല്ലാ കാൻഡിഡേറ്റ് വാക്സിനുകളും പരാജയപ്പെടുന്നതുവരെ പരിശോധിക്കുന്നത് നിർണായകമാണെന്ന് ലോകാരോഗ്യ സംഘടന പറഞ്ഞു.

ഫൈസറിന്റെയും ബയോ എൻ‌ടെക്കിന്റെയും വികസന പരിപാടിയിൽ നാല് വാക്സിൻ കാൻഡിഡേറ്റുകൾ ഉൾപ്പെടുന്നു. ഓരോന്നും എം‌ആർ‌എൻ‌എ ഫോർ‌മാറ്റിന്റെയും ടാർ‌ഗെറ്റ് ആന്റിജന്റെയും വ്യത്യസ്ത സംയോജനത്തെ പ്രതിനിധീകരിക്കുന്നു.

Tags

Related Articles

Post Your Comments


Back to top button
Close
Close