Latest NewsUAENewsGulf

യു.എ.ഇയില്‍ കോവിഡ് 19 തീവ്രത കുറയുന്നു ; പുതിയ പരിശോധനാ ഫലങ്ങള്‍ പുറത്ത് : ദുബായ് ഇന്ന് മുതല്‍ 100% പ്രവര്‍ത്തന സജ്ജം

അബുദാബി • യു.എ.ഇയില്‍ കോവിഡ് 19 തീവ്രത കുറയുന്നുവെന്ന സൂചന നല്‍കി പുതിയ പരിശോധനാ ഫലങ്ങള്‍. കഴിഞ്ഞ ദിവസം 600 ല്‍ താഴെമാത്രം പുതിയ കോവിഡ് 19 കേസുകളാണ് രാജ്യത്ത് നിന്നും റിപ്പോര്‍ട്ട് ചെയ്തത്. ചൊവ്വാഴ്ച 596 പുതിയ കോവിഡ് 19 കേസുകള്‍ സ്ഥിരീകരിച്ചതായി യു.എ.ഇ ആരോഗ്യ പ്രതിരോധ മന്ത്രാലയം അറിയിച്ചു. 388 പേര്‍ക്കാണ് രോഗം ഭേദമയത്.

അണുബാധ മൂലം മൂന്ന് രോഗികള്‍ മരിച്ചതായും മന്ത്രാലയം വ്യക്തമാക്കി.

35,000 ത്തിലേറെ പുതിയ കോവിഡ് പരിശോധനകളില്‍ നിന്നാണ് പുതിയ 596 രോഗികളെ കണ്ടെത്തിയത്.

ഇതോടെ രാജ്യത്ത് ഇതുവരെ സ്ഥിരീകരിച്ച കോവിഡ് കേസുകളുടെ എണ്ണം 35,788 ആണ്. പകുതിയിലേറെപ്പേര്‍ക്ക് രോഗം ഭേദമായി. 18,726 പേരാണ് ഇതുവരെ രോഗം ഭേദമയത്. നിലവില്‍ 16,793 പേരാണ് ചികിത്സയിലുള്ളത്.

യു.എ.ഇ ഇതുവരെ 2 ദശലക്ഷത്തിലധികം കോവിഡ് -19 ടെസ്റ്റുകൾ നടത്തിയിട്ടുണ്ട്. കഴിഞ്ഞ രണ്ടാഴ്ചയ്ക്കുള്ളിൽ മാത്രം 650,000 ടെസ്റ്റുകൾ നടത്തിയതായും മന്ത്രാലയം അറിയിച്ചു.

അതേസമയം, യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ നിർദേശപ്രകാരം ഷോപ്പിംഗ് മാളുകൾക്കും സ്വകാര്യമേഖല സ്ഥാപനങ്ങള്‍ക്കും ഇന്ന് മുതല്‍ (ജൂണ്‍ 3) 100 ശതമാനം ശേഷിയില്‍ പ്രവർത്തിക്കാമെന്ന് ദുബായ് പ്രതിസന്ധി-ദുരന്ത നിവാരണ ഉന്നത സമിതി അറിയിച്ചു. കമ്പനികളുടെ പ്രവൃത്തി സമയവും മാളുകളുടെ പ്രവർത്തന സമയവും പൊതു പ്രസ്ഥാനത്തിന് അനുവദിച്ചിരിക്കുന്ന സമയപരിധിക്കുള്ളിൽ വരണം, അവ നിലവിൽ രാവിലെ 6 നും രാത്രി 11 നും ഇടയിലാണ്. പൊതുജന സഞ്ചാരം അനുവദിച്ചിരിക്കുന്ന സമയത്തിനുള്ളില്‍ ഏത് സെറ്റ് പ്രവർത്തന സമയവും തിരഞ്ഞെടുക്കാൻ ഷോപ്പിംഗ് മാളുകൾക്ക് സ്വാതന്ത്ര്യമുണ്ടെന്നും കമ്മിറ്റി അഭിപ്രായപ്പെട്ടു.

Tags

Related Articles

Post Your Comments


Back to top button
Close
Close