G-7 വിപുലീകരണം, ​ഇന്ത്യയെ ഉൾപ്പെടുത്താനുള്ള അ​മേ​രി​ക്ക​ന്‍ നീ​ക്ക​ത്തിൽ എതിർപ്പുമായി ചൈന

ബെ​യ്ജിം​ഗ്: G -7 വിപുലീകരിച്ച് ഇന്ത്യയെയും ​റ​ഷ്യ​, ഓ​സ്ട്രേ​ലി​യ, ദ​ക്ഷി​ണ കൊ​റി​യ​ എന്നീ രാജ്യങ്ങളെയും ഉൾപ്പെടുത്തി G -11 ആക്കാനുള്ള അ​മേ​രി​ക്ക​ന്‍ പ്ര​സി​ഡ​ന്‍റ് ഡൊ​ണാ​ള്‍​ഡ് ട്രം​പിൻറെ നീക്കത്തിനെതിരെ എതിർപ്പുമായി ചൈന രംഗത്ത്. ചൈനയെ ഇതിൽ ഉൾപ്പെടുത്തില്ലെന്നും അമേരിക്ക സൂചിപ്പിച്ചതായാണ് റിപ്പോർട്ട്. എന്നാൽ ചൈ​ന​യ്ക്കെ​തി​രെ ഗ്രൂ​പ്പ് ഉ​ണ്ടാ​ക്കാ​നു​ള്ള ഏ​തൊ​രു ശ്ര​മ​വും പ​രാ​ജ​യ​പ്പെ​ടു​മെന്നാണ് ചൈ​നീ​സ് വി​ദേ​ശ കാ​ര്യ​മ​ന്ത്രാ​ല​യം നടത്തിയ പ്ര​തി​കരണം.

ഇന്ത്യന്‍ പ്രധാനമന്ത്രി നരേന്ദ്രമോദിയും അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപു൦ തമ്മില്‍ കഴിഞ്ഞ ദിവസം നിര്‍ണ്ണായക ചര്‍ച്ച നടന്നിരുന്നു. സംഭാഷണത്തില്‍ ജി-7 ഉച്ചകോടിയിലേക്ക് മോദിയെ ട്രംപ് സ്വാഗതം ചെയ്തിരുന്നു. ഇതാണ് ചൈനയുടെ പ്രതികരണത്തിന് ആധാരം.7 വി​ക​സി​ത രാ​ജ്യ​ങ്ങ​ളു​ടെ ഗ്രൂ​പ്പാ​ണ് G-7. ​അ​മേ​രി​ക്ക, ബ്രി​ട്ട​ന്‍, ഫ്രാ​ന്‍​സ്, ജ​ര്‍​മ​നി, ഇ​റ്റ​ലി, ജ​പ്പാ​ന്‍, കാ​ന​ഡ എ​ന്നീ രാ​ജ്യ​ങ്ങ​ളാ​ണ് നിലവില്‍ ഇ​തി​ലെ അം​ഗ​ങ്ങ​ള്‍. നേരത്തെ G-8 കൂട്ടായ്മയില്‍നിന്ന് റഷ്യ പുറത്തു പോയപ്പോളാണ് G-7 ആയത്.

ചൈന പുറത്ത്, പ്രധാന ലോക ശക്തികളായ ഏഴു രാജ്യങ്ങളുടെ കൂട്ടായ്മയായ ജി- 7 നു പകരം ഇന്ത്യകൂടി അംഗമാകുന്ന പുതിയ ആഗോള കൂട്ടായ്മ ജി-11 വരുന്നു

2020 ജൂ​ണി​ല്‍ ന​ട​ത്താ​ന്‍ നേ​ര​ത്തെ നി​ശ്ച​യി​ച്ചി​രു​ന്ന ജി- 7 ​ഉ​ച്ച​കോ​ടി കോ​വി​ഡി​ന്‍റെ പ​ശ്ചാ​ത്ത​ല​ത്തി​ല്‍ സെ​പ്റ്റം​ബ​ര്‍ വ​രെ നീ​ട്ടി​വ​ച്ചി​രു​ന്നു. ഇ​തി​നി​ടെ​യാ​ണ് G-7, ​ വി​പു​ലീ​ക​രി​ക്കാ​ന്‍ ട്രം​പ് ശ്ര​മം ന​ട​ത്തി​യ​ത്. ഒരിക്കല്‍ പുറത്തുപോയ റഷ്യയെ വീണ്ടും ഒപ്പം ചേര്‍ക്കാനും ട്രംപ് ശ്രമം നടത്തുന്നുണ്ട്.