ചേര്ത്തല: എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെതിരെ സമൂഹ മാധ്യമങ്ങളിലൂടെ അപകീര്ത്തികരമായ പ്രചാരണം നടത്തിയതിനു മൂന്നു പേര് അറസ്റ്റില്. രണ്ട് മൊബൈല് ഫോണുകളും പോലീസ് പിടിച്ചെടുത്തു. കൊല്ലം ഹിന്ഡാസ് മോട്ടേഴ്സ് ഉടമ കിളികൊല്ലൂര് കാവുവിള പടിഞ്ഞാറ്റതില് ബിജുദേവരാജന് (ഹിന്ഡാസ് ബിജു -46), കാവനാട് സുമാനിവാസില് പ്രതാപ് (51), കടപ്പാക്കട അന്പാടിയില് വിനോദ്(48) എന്നിവരാണ് പിടിയിലായത്.
ബിജു, പ്രതാപ് എന്നിവരില്നിന്നു പിടിച്ചെടുത്ത ഫോണുകള് കോടതിയില് ഹാജരാക്കിയ ശേഷം സൈബര് സെല്ലിനു കൈമാറുമെന്നു പോലീസ് പറഞ്ഞു. എസ്എന്ഡിപി യോഗം ചേര്ത്തല യൂണിയന് കൗണ്സിലര് ബിജുദാസ് ജില്ലാ പോലീസ് മേധാവിക്കു നല്കിയ പരാതിയെത്തുടര്ന്നു പൂച്ചാക്കല് സിഐ പി. ശ്രീകുമാറിന്റെ നേതൃത്വത്തിലായിരുന്നു അന്വേഷണം.
Post Your Comments