ഓഹരി വിപണിയിൽ മുന്നേറ്റം, ഇന്നവസാനിച്ചത് നേട്ടത്തിൽ

മുംബൈ : വ്യാപാര ആഴ്ചയിലെ മൂന്നാം ദിനത്തിൽ ഓഹരി വിപണിയിൽ മുന്നേറ്റം. സെന്‍സെക്സ് 290.36 പോയിന്റ് ഉയർന്ന് 34247.05ലും നിഫ്റ്റി 69.50 പോയിന്റ് ഉയർന്ന്‌ 10116.20ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1503 കമ്പനികളുടെ ഓഹരികള്‍ നേട്ടത്തിലും 1005 ഓഹരികള്‍ നഷ്ടത്തിലുമായിരുന്നു 155 ഓഹരികള്‍ക്ക് മാറ്റമില്ല. പൊതുമേഖല ബാങ്ക് സൂചിക 3.5ശതമാനം ഉയര്‍ന്നു. ഐടി, അടിസ്ഥാന സൗകര്യവികസനം, ഫാര്‍മ, ഊര്‍ജം തുടങ്ങിയ വിഭാഗങ്ങളിലെ സൂചികകളും നേട്ടം കൈവരിച്ചു.

റിലയന്‍സ് ഇന്‍ഡസ്ട്രീസ്, ഹിന്‍ഡാല്‍കോ, ശ്രീ സിമെന്റ്സ്, ഇന്‍ഡസിന്റ് ബാങ്ക്, കൊട്ടക് മഹീന്ദ്ര, തുടങ്ങിയ ഓഹരികളാണ് നേട്ടത്തിലും. കോള്‍ ഇന്ത്യ, ഗെയില്‍, ഹീറോ മോട്ടോര്‍കോര്‍പ്, ബജാജ് ഓട്ടോ, ടാറ്റ സ്റ്റീല്‍ തുടങ്ങിയ ഓഹരികള്‍ നഷ്ടത്തിലുമാണ് വ്യാപാരം അവസാനിച്ചത്.