പ്രവാസി വിഷയത്തിൽ മ​ണ്ട​ത്ത​ര​ങ്ങ​ളു​ടെ ഘോ​ഷ​യാ​ത്രയാണ് സ​ർ​ക്കാ​ർ കാ​ട്ടു​ന്ന​ത് : പി.​കെ. കു​ഞ്ഞാ​ലി​ക്കു​ട്ടി

തിരുവനന്തപുരം : കോവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കേണ്ടെന്ന മന്ത്രിസഭാ തീരുമാനത്തെ കുറിച്ച് പ്രതികരിച്ച് മു​സ്ലിം ലീ​ഗ് ദേ​ശീ​യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി എം​പി. പ്ര​വാ​സി​ക​ളു​ടെ കാ​ര്യ​ത്തി​ൽ  മ​ണ്ട​ത്ത​ര​ങ്ങ​ളു​ടെ ഘോ​ഷ​യാ​ത്രയാണ് സ​ർ​ക്കാ​ർ കാ​ട്ടു​ന്ന​ത്. കോ​വി​ഡ് നെ​ഗ​റ്റീ​വ് സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​ക്കു​ന്ന​ത് പ്രാ​യോ​ഗി​ക​മ​ല്ലെ​ന്നു നേ​ര​ത്തെ തന്നെ ചൂ​ണ്ടി​ക്കാ​ട്ടി​യ​താ​ണ്. പ​ക്ഷേ സ​ർ​ക്കാ​ർ ത​ന്നി​ഷ്ട​പ്ര​കാ​രം മു​ന്നോ​ട്ടു​പോ​കാനാണ് ശ്ര​മി​ച്ചത്. മ​ണ്ട​ൻ തീ​രു​മാ​ന​ത്തി​ന്‍റെ ഫ​ല​മാ​യി​ട്ടാണ് ഇപ്പോ​ൾ അ​തി​ൽ​നി​ന്നു പി​ൻ​വാ​ങ്ങേ​ണ്ടി വ​ന്നതെന്നു കുഞ്ഞാലിക്കുട്ടി പറഞ്ഞു. കോ​വി​ഡ് പ​രി​ശോ​ധ​ന​യ്ക്കു പ​ക​രം പി​പി​ഇ കി​റ്റ് മ​തി​യെ​ന്നാ​ണ് ഇ​പ്പോ​ൾ സ​ർ​ക്കാ​ർ പ​റ​യു​ന്ന​ത്. ഇ​തി​ൽ ഇ​നി​യും വ്യ​ക്ത​ത വ​രേ​ണ്ട​തു​ണ്ടെന്നും, ഓ​രോ തീ​രു​മാ​ന​മെ​ടു​ത്തു മാ​റ്റേ​ണ്ടി​വ​രു​ന്ന​തു പ്ര​വാ​സി വി​ഷ​യ​ത്തി​ൽ സ​ർ​ക്കാ​രി​ന്‍റെ വീ​ഴ്ച​യാ​ണു കാ​ണി​ക്കു​ന്ന​തെ​ന്നും കു​ഞ്ഞാ​ലി​ക്കു​ട്ടി വിമർശിച്ചു.

Also read : അച്ഛന്‍ കട്ടിലിലെറിഞ്ഞു കൊല്ലാന്‍ ശ്രമിച്ച കുഞ്ഞ് ആരോഗ്യം വീണ്ടെടുക്കുന്നു ; ശരീരോഷ്മാവും നാഡിമിടിപ്പും സാധാരണഗതിയില്‍ എത്തിയതായി മെഡിക്കല്‍ റിപ്പോര്‍ട്ട്

കോവിഡ് നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കേണ്ടെന്ന മന്ത്രിസഭാ തീരുമാനത്തെ കുറിച്ച് പ്രതികരിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രനും രംഗത്തെത്തിയിരുന്നു. ജനരോഷത്തിന് മുന്നില്‍ ഒരിക്കല്‍ക്കൂടി മുഖ്യമന്ത്രി മുട്ടുമടക്കിയതിന് തെളിവാണ് ഈ തീരുമാനം. മുഖ്യമന്ത്രിയുടെ ധാര്‍ഷ്ട്യത്തിനും ധിക്കാരത്തിനുമേറ്റ തിരിച്ചടി കൂടിയാണിത്. അമിത വൈദ്യുതി ബില്ലിലും സ്പ്രിങ്കളര്‍ വിവാദത്തിലും കോണ്‍ഗ്രസ് സമരം ശക്തമാക്കിയപ്പോഴാണ് മുഖ്യമന്ത്രിക്ക് ബോധോദയമുണ്ടായതെന്നും .മുഖ്യമന്ത്രിക്ക് സ്വതന്ത്രമായി ചിന്തിക്കാനുള്ള ശേഷി നഷ്ടമായെന്നും മുല്ലപ്പള്ളി വിമർശിച്ചു.

കോവിഡ് നെഗറ്റീവ് സര്‍ട്ടിഫിക്കറ്റ് വേണമെന്ന കാര്യത്തില്‍ കടുംപിടിത്തം പാടില്ലെന്ന് കോണ്‍ഗ്രസും യുഡിഎഫും മുഖ്യമന്ത്രിയോട് ആവശ്യപ്പെട്ടിരുന്നു. അത് അപ്രായോഗികവും പ്രവാസികള്‍ക്ക് കടുത്ത ബുദ്ധിമുട്ടുണ്ടാക്കുന്നതുമാണ്. എല്ലാ കാര്യത്തിലും ഇതുതന്നെയാണ് മുഖ്യമന്ത്രിയുടെ സമീപനം. ഉപദേശക വൃന്ദത്തിന്റെയും പി.ആര്‍ സംഘത്തിന്റെയും തടവറയിലാണ് അദ്ദേഹം. മികച്ച ഉപദേശങ്ങള്‍ കൊടുക്കാന്‍ കഴിവും കാര്യശേഷിയുമുള്ള ഉദ്യോഗസ്ഥര്‍ കേരളത്തിലുണ്ട്. ഒന്നുകില്‍ മുഖ്യമന്ത്രി അവരുടെ ഉപദേശങ്ങള്‍ കേള്‍ക്കുന്നില്ല, അല്ലെങ്കില്‍ ഉദ്യോഗസ്ഥര്‍ ഉപദേശങ്ങള്‍ നല്‍കാന്‍ തയ്യാറാകുന്നില്ലായെന്ന് കരുതേണ്ടിവരും. കേരളത്തിലേക്കുള്ള പ്രവാസികളുടെ വരവ് എങ്ങനെയും തടയാനാണ് തുടക്കം മുതല്‍ മുഖ്യമന്ത്രിയും കേരള സര്‍ക്കാരും ശ്രമിച്ചതെന്നും . അതിനെതിരെയാണ് കോണ്‍ഗ്രസും പ്രതിപക്ഷ പാര്‍ട്ടികളും സമരമുഖത്ത് ഇറങ്ങിയ തെന്നും . പ്രതിപക്ഷ സമരത്തെ പരിഹസിച്ച മുഖ്യമന്ത്രി ഇപ്പോള്‍ ന്തം തെറ്റുതിരുത്താന്‍ തയ്യാറായത് സ്വാഗതാര്‍ഹമാണെന്ന് മുല്ലപ്പള്ളി പറഞ്ഞു.