ന്യൂഡൽഹി:ലഡാക്കിലെ ഇന്ത്യന്‍ പ്രദേശങ്ങളില്‍ കടക്കാന്‍ ധൈര്യപ്പെട്ടവര്‍ക്ക് രാജ്യം ഉചിതമായ മറുപടി നല്‍കിയെന്ന് വ്യക്തമാക്കി പ്രധാനമന്ത്രി നരേന്ദ്രമോദി. പ്രതിമാസ റേഡിയോ പരിപാടിയായ മന്‍ കീ ബാത്തിലൂടെയാണ് അദ്ദേഹം ഇക്കാര്യം വ്യക്തമാക്കിയത്. ലഡാക്കില്‍ രക്തസാക്ഷികളായ സൈനികര്‍ക്ക് മുൻപിൽ രാജ്യം പ്രണമിക്കുന്നു. എല്ലാ പ്രതിസന്ധികളും മറികടന്ന് ഇന്ത്യ ശക്തമായ രാജ്യമായി മാറും. രാജ്യത്തെ എല്ലാ ജനങ്ങളും മെയ്ക്ക് ഇന്‍ ഇന്ത്യക്ക് പിന്തുണ നല്‍കുന്നുണ്ട്. സ്വാശ്രയഭാരതം ഉണ്ടാക്കുന്നതിനാണ് എല്ലാവരുടെയും ശ്രമമെന്നും പ്രധാനമന്ത്രി പറയുകയുണ്ടായി. അതിർത്തിയിലെ സൈനികർ രാജ്യത്തെ അപകടങ്ങളിൽ നിന്നും സംരക്ഷിക്കും. സൗഹൃദം എങ്ങനെ കാത്തു സൂക്ഷിക്കാമെന്ന് ഇന്ത്യക്ക് അറിയാമെന്നും അദ്ദേഹം കൂട്ടിച്ചേർത്തു.
Post Your Comments