തിരുവനന്തപുരം: പത്മനാഭസ്വാമി ക്ഷേത്ര വിധി സംബന്ധിച്ച് പ്രതികരണവുമായി ദേവസ്വം മന്ത്രി കടകംപള്ളി സുരേന്ദ്രൻ. ശ്രീ പത്മനാഭസ്വാമി ക്ഷേത്രത്തിൽ രാജകുടുംബത്തിനാണ് അവകാശമെന്ന സുപ്രീംകോടതിവിധിയെ മാനിക്കുന്നുവെന്ന് ദേവസ്വം മന്ത്രി പറഞ്ഞു. സുപ്രീം കോടതി വിധി സ്വാഗതം ചെയ്യുന്നു. സർക്കാർ അനുയോജ്യമായ നടപടികൾ സ്വീകരിക്കും.
സർക്കാരിന് തിരിച്ചടിയായി എന്ന് വ്യാഖ്യാനിക്കുന്നവർക്ക് അങ്ങനെ ചെയ്യാം. വിശദമായി പഠിച്ച ശേഷം തുടർനടപടികളെ പറ്റി ആലോചിക്കും. വിധി പുന:പരിശോധിക്കില്ലെന്നും കടകംപള്ളി സുരേന്ദ്രൻ തിരുവനന്തപുരത്ത് പറഞ്ഞു. വിധി വന്ന ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
Post Your Comments