ഇന്ത്യന്‍ നയതന്ത്രഞ്ജനെ പാക്കിസ്ഥാന്‍ വീണ്ടും വിളിച്ചുവരുത്തി പ്രതിഷേധം അറിയിച്ചു

ഇസ്ലാമബാദ് • നിയന്ത്രണ രേഖയിൽ ഇന്ത്യൻ സേന വെടിനിര്‍ത്തല്‍ നടത്തിയെന്നാരോപിച്ച് പാകിസ്ഥാൻ ഇന്ത്യൻ ഹൈക്കമ്മീഷനിൽ നിന്ന് മുതിർന്ന ഇന്ത്യൻ നയതന്ത്ര ഉദ്യോഗസ്ഥനെ വിളിച്ചുവരുത്തി പ്രതിഷേധം അറിയിച്ചു.

വെള്ളിയാഴ്ച റാഖിക്രി, ബറോ മേഖലകളിൽ നടന്ന വെടിവയ്പിൽ രണ്ട് സ്ത്രീകൾക്ക് പരിക്കേറ്റതായി വിദേശകാര്യ ഓഫീസ് പ്രസ്താവനയിൽ പറഞ്ഞു.

ജമ്മു കശ്മീരിലെ പൂഞ്ച് ജില്ലയിലെ നിയന്ത്രണ രേഖയിൽ പാകിസ്ഥാൻ സൈന്യം സൈനിക പോസ്റ്റുകള്‍ക്കും സിവിലിയൻ സ്ഥലങ്ങൾക്കും നേരെ നടത്തിയ ഷെല്ലാക്രമണത്തില്‍ ദമ്പതികളും മകനും കൊല്ലപ്പെട്ടുവെന്ന് ഇന്ത്യൻ കരസേന വക്താവ് പറഞ്ഞു. ഇന്ത്യന്‍ സൈന്യം ശക്തമായ തിരിച്ചടി നല്‍കിയതായും വക്താവ് പറഞ്ഞു.