കട്ടക്ക് • വിചിത്രമായ ഒരു സംഭവവികാസത്തിൽ, ഒരു പെണ്‍കുട്ടി കാമുകന്‍ ഉപേക്ഷിച്ചതിനെത്തുടര്‍ന്ന് ത്രി മുഴുവൻ കാമുകന്റെ വീടിന് മുന്നിൽ ധർണ ഇരുന്നു. ഒഡീഷയിലെ കട്ടക്ക് ജില്ലയിലെ ജയ്പൂർ പോലീസ് പരിധിയിലുള്ള അരിലോ ഗ്രാമത്തിലാണ് സംഭവം. മറ്റൊരാളെ വിവാഹം കഴിച്ചതിനാൽ വീട്ടുകാർ അവളെ അംഗീകരിക്കാത്തതിനാലാണ് കാമുകനും പെണ്‍കുട്ടിയെ കൈവിട്ടതെന്നാണ് റിപ്പോര്‍ട്ട്.
കുറച്ചു ദിവസങ്ങള്‍ക്ക് മുന്‍പാണ്‌ പെണ്‍കുട്ടി ഹിന്ദു പാരമ്പര്യമനുസരിച്ച് ഒരു യുവാവിനെ വിവാഹം കഴിച്ചത്. പതിനാറ് ദിവസത്തെ വിവാഹത്തിന് ശേഷം പെൺകുട്ടി ഭർത്താവിനൊപ്പം അമ്മയുടെ വീട് സന്ദർശിക്കുകയും വിവാഹത്തിന് മുന്‍പ് പ്രണയത്തിലായിരുന്ന കാമുകനുമായി ഒളിച്ചോടാൻ ശ്രമിക്കുകയും ചെയ്തു.
അതനുസരിച്ച് പെൺകുട്ടി വീട് ഉപേക്ഷിച്ച് കാമുകന്റെ അടുത്തേക്ക് പോയി. എന്നാല്‍, കുടുംബാംഗങ്ങൾ ഈ വിവാഹത്തിന് അനുകൂലമല്ലാത്തതിനാൽ വിവാഹിതയായ പെൺകുട്ടിയെ ഭാര്യയായി അംഗീകരിക്കാൻ കാമുകൻ ആഗ്രഹിച്ചില്ല. അതിനാൽ അയാൾ ഒരു പദ്ധതിയെക്കുറിച്ച് ആലോചിക്കുകയും പെൺകുട്ടിയെ തനിയെ അയാളുടെ വീട്ടിലേക്ക് അയക്കുകയും ചെയ്തു. തുടര്‍ന്ന് കാമുകന്‍ സ്ഥലത്ത് നിന്ന് മുങ്ങുകയും ചെയ്തു.
പെൺകുട്ടി കാമുകന്റെ വീട്ടിലെത്തിയപ്പോൾ അത് പൂട്ടിയിട്ടതായി കണ്ടെത്തി. കുടുംബാംഗങ്ങളും സ്ഥലം വിട്ടിരുന്നു. രാത്രി മുഴുവൻ അവൾ വീടിനു മുന്നിൽ ധർണയിൽ ഇരുന്നു. പെണ്‍കുട്ടിയുടെ അമ്മയും ഒപ്പമുണ്ടായിരുന്നു. കാമുകൻ സ്വീകരിച്ചില്ലെങ്കിൽ ആത്മഹത്യ ചെയ്യുമെന്ന് പെൺകുട്ടി ഭീഷണി മുഴക്കിയെന്നാണ് റിപ്പോര്‍ട്ട്.
ഇതിനിടെ, പെൺകുട്ടിയുടെ ഭർത്താവ് പെൺകുട്ടിയില്ലാതെ വീട്ടിലേക്ക് മടങ്ങുകയും ചെയ്തു.
പോലീസില്‍ പരാതിപ്പെട്ടതിനെത്തുടര്‍ന്ന്, സംഭവത്തില്‍ പോലീസ് കേസെടുത്ത് അന്വേഷണം നടത്തിവരുന്നു.
Post Your Comments