അതിഥി തൊഴിലാളികളിലെ കോവിഡ് വ്യാപനം ; കോഴിക്കോട് ആശങ്ക വർധിക്കുന്നു

കോഴിക്കോട് : സമ്പർക്ക കേസുകളും ഉറവിടം അറിയാത്ത കേസുകൾക്കുമൊപ്പം കോഴിക്കോട് ജില്ലയിൽ അതിഥി തൊഴിലാളികളിൽ കോവിഡ് പടരുന്നത് വലിയ ആശങ്ക വർധിക്കുന്നു. നഗരപ്രദേശങ്ങിൽ ഉൾപ്പെടെ വിവിധ വ്യാപാര സ്ഥാപനങ്ങളിലും ഹോട്ടലുകളിലും നിർമാണ മേഖലയിലും ജോലി ചെയ്യുന്നവരിലാണ് രോഗം സ്ഥിരീകരിച്ചത്.

കഴിഞ്ഞ മൂന്ന് ദിവസത്തിനിടയിൽ 36 അതിഥി തൊഴിലാളികളികൾക്കാണ് കോവിഡ് സ്ഥിരീകരിച്ചത്. കഴിഞ്ഞ എതാനും ദിവസങ്ങളായി നാട്ടിലേക്ക് മടങ്ങിയ അതിഥി തൊഴിലാളികളിൽ പലരും തൊഴിൽ തേടി വീണ്ടും മടങ്ങിയെത്തിയിട്ടുണ്ട്.

അതേസമയം കോവിഡ് രോഗവ്യാപനത്തിന്റെ പശ്ചാത്തലത്തില്‍ വലിയങ്ങാടിയും വെള്ളയിലും ക്ലസ്റ്റര്‍ പട്ടികയില്‍ ഉള്‍പ്പെട്ടു. വലിയങ്ങാടിയില്‍ 25 പേര്‍ക്ക് കോവിഡ് പോസിറ്റീവായതില്‍ 19 പേരാണ് ചികിത്സയിലുള്ളത്. വെള്ളയില്‍ 28 പേര്‍ക്ക് രോഗം ബാധിച്ചു. 25 പേരാണ് നിലവില്‍ ചികിത്സയിലുള്ളത്. ഇതോടെ ജില്ലയിലെ ക്ലസ്റ്ററുകളുടെ എണ്ണം 14 ആയി.