Latest NewsNewsInternational

പ്രമുഖർക്കൊപ്പം ഇന്ത്യയി​ൽ വിവി​ധ കുറ്റകൃത്യങ്ങളി​ൽ പ്രതി​കളായവരെയും ശി​ക്ഷി​ക്കപ്പെട്ട് ജയി​ലി​ൽ കഴിയുന്നുവരെയും ചൈന നി​രീക്ഷി​ക്കുന്നതായി റിപ്പോർട്ട്

ന്യൂഡൽഹി : രാഷ്ട്രപതി​യും പ്രധാനമന്ത്രി​യും ഉൾപ്പടെ ഇന്ത്യയിലെ നിരവധി പ്രമുഖരെ ചൈന നി​രീക്ഷി​ക്കുന്നതായി റിപ്പോർട്ട് വന്നിരുന്നു. ഇപ്പോഴിതാ പ്രമുഖർക്കൊപ്പം രാജ്യത്തെ വിവി​ധ കുറ്റകൃത്യങ്ങളി​ൽ പ്രതി​കളായവരെയും ശി​ക്ഷി​ക്കപ്പെട്ട് ജയി​ലി​ൽ കഴിയുന്നുവരെയും ചൈന നി​രന്തരം നിരീക്ഷിന്നതായിട്ടാണ് ലഭിക്കുന്ന സൂചന.

സാമ്പത്തിക കുറ്റം, ഭീകരവാദം, വാതുവയ്പ്പ്,അഴിമതി, ലഹരികടത്ത് തുടങ്ങിയ കേസുകളിലെ പ്രതി​കളായ 6000 ഓളം പേരെയാണ് നി​രീക്ഷി​ക്കുന്നത്. ചൈനയ്ക്ക് പ്രത്യേക താത്പര്യമുളള വി​ഷയങ്ങളുമായി​ ബന്ധപ്പെട്ട കേസുകളി​ൽ പെട്ടവരെയാണ് നി​രീക്ഷി​ക്കുന്നത്. ഇവരെ ഇന്ത്യക്കെതി​രെ എങ്ങനെയെങ്കി​ലും ഉപയോഗപ്പെടുത്താനാവുമോ എന്നറി​യാനാണത്രേ ഇത്. സത്യം ഗ്രൂപ്പ് ചെയർമാൻ രാമലിംഗ രാജു, പ്രിയങ്കാ ഗാന്ധിയുടെ ഭർത്താവ് റോബർട്ട് വാദ്ര, എച്ച് ഡി കുമാരസ്വാമി, മധു കോട എന്നി​വർക്കൊപ്പം ഐ പി എൽ വാതുവയ്പ്പ്, സ്വർണക്കടത്ത്, ചന്ദനത്തടി അടക്കമുള്ള വനവിഭവങ്ങളുടെ കടത്ത് എന്നി​വയ്ക്ക് ശി​ക്ഷ അനുഭവിക്കുന്നവരും നി​രീക്ഷണത്തി​ലാണ്. അവയവക്കടത്തിനും മയക്കുമരുന്ന് കടത്തിനും ഭീകരവാദത്തിന് പിടിയിലാവരെയും നിരീക്ഷിക്കുന്നുണ്ട്.

ഇതിനൊപ്പം ചില സ്ഥാപങ്ങളും നിരീക്ഷണത്തിന്റെ പരിധിയിലാണെന്നാണ് റി​പ്പോർട്ട്. ഐ പി എല്ലിന്റെ കാര്യത്തിലും ചൈനയ്ക്ക് താത്പര്യമുണ്ട്. നേരത്തേ ചൈനീസ് മൊബൈൽ കമ്പനിയായ വിവോ ഐ പി എൽ ടൈറ്റിൽ സ്‌പോൺസർഷിപ്പ് റൈറ്റ് സ്വന്തമാക്കിയിരുന്നു. എന്നാൽ അതിർത്തിയിലെ സംഘർഷത്തെത്തുടർന്ന് ഈ കരാർ റദ്ദാക്കുകയായിരുന്നു. ചൈനീസ് സർക്കാരുമായും കമ്മ്യൂണിസ്റ്റ് പാർട്ടിയുമായി ബന്ധമുളള ഷെങ്ഹ്വ ഡാറ്റ ഇൻഫോർമേഷൻ ടെക്‌നോളജി ലിമിറ്റഡ് എന്ന സ്ഥാപനമാണ് നിരീക്ഷണം നടത്തുന്നത്. ഇതിനായിആർട്ടിഫിഷ്യൽ ഇന്റലിജൻസ്, ബിഗ്ഡാറ്റ ടൂളുകൾ എന്നിവയാണ് ഉപയോഗിക്കുന്നതെന്നാണ് ലഭിക്കുന്ന വിവരം.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button