കോഴിക്കോട്: ടിക്കറ്റ് നിരക്കിനൊപ്പം രണ്ടു രൂപ അധികം വാങ്ങിയ സ്വകാര്യ ബസിന് പിഴയിട്ട് മോട്ടോർ വാഹന വകുപ്പ് .
അഴിമതി വിരുദ്ധ ജനകീയ കേന്ദ്രം പ്രസിഡന്‍റും എരഞ്ഞിക്കല്‍ സ്വദേശിയുമായ ബി. കിരണ്‍ ബാബു നല്‍കിയ പരാതിയിലാണ് നടപടി.ജൂലൈ ആറിന് ഇദ്ദേഹം എരഞ്ഞിക്കലില്‍നിന്ന് പൂക്കാടേക്ക് യാത്രചെയ്യവെ 15 രൂപയുടെ ടിക്കറ്റിനൊപ്പമാണ് ബസിലെ കണ്ടക്ടര്‍ രണ്ടു രൂപ കൂട്ടി വാങ്ങിയത്. അധികതുക സംബന്ധിച്ച്‌ ചോദിച്ചപ്പോള്‍ ബസുകാരെല്ലാം സ്വമേധയാ ചാര്‍ജ് കൂട്ടിയെന്നായിരുന്നു മറുപടി.മാത്രമല്ല ടിക്കറ്റില്‍ രേഖപ്പെടുത്തിയ വിവരങ്ങളിലും കൃത്രിമങ്ങളുണ്ടായിരുന്നു. തുടര്‍ന്നാണ് ടിക്കറ്റ് സഹിതം ആര്‍.ടി.ഒക്ക് പരാതി നല്‍കിയത്.
സെപ്റ്റംബര്‍ 14ന് ബസ് ഉടമയെയും കണ്ടക്ടറയെും നേരിട്ടു വിളിപ്പിച്ച്‌ വിശദീകരണം തേടിയശേഷമാണ് മോട്ടോർ വെഹിക്കിള്‍ ആക്ട് സെക്ഷന്‍ -177 പ്രകാരം 250 രൂപ പിഴയീടാക്കി പരാതി തീര്‍പ്പാക്കിയത്.
കോഴിക്കോട് -വടകര റൂട്ടില്‍ സര്‍വിസ് നടത്തുന്ന കെ.എല്‍ -10 എ.ആര്‍ -9620 നമ്ബര്‍ ബസിനാണ് റിജനല്‍ ട്രാന്‍സ്പോര്‍ട്ട് ഓഫീസർ പിഴയിട്ടത്.
Post Your Comments