ന്യൂഡല്‍ഹി: കാര്‍ഷിക പരിഷ്കരണ ബില്ലുകള്‍ക്കെതിരെ രാജ്യസഭയില്‍ നിയമം ലംഘിച്ചു പ്രതിഷേധിച്ച എട്ട് എംപിമാര്‍ക്ക് സസ്പെന്‍ഷന്‍. കേരളത്തില്‍നിന്നുള്ള ഇളമരം കരീം, കെ.കെ രാഗേഷ് എന്നിവരുള്പ്പെടെ പ്രതിഷേധിച്ച എട്ട് പേര്‍ക്കെതിരെയാണ് നടപടി.തൃണമൂല്‍ എംപി ഡെറിക് ഒബ്രിയന്‍, സഞ്ജയ് സിംഗ്, രാജു സതവ, രിപുന്‍ ബോറ, ദോള സെന്‍, സെയ്ദ് നസിര്‍ ഹസൈന്‍ എന്നിവരാണ് സസ്പെന്‍ഷന്‍ നേരിട്ട മറ്റ് രണ്ടു പേര്‍. പാര്‍ലമെന്‍റിന്‍റെ 256 ാം ചട്ട പ്രകാരം പാര്‍ലമെന്‍ററികാര്യ സഹമന്ത്രി വി. മുരളീധരനാണ് ഇവര്‍ക്കെതിരായ പ്രമേയം അവതരിപ്പിച്ചത്.
പ്രമേയം ശബ്ദവോട്ടോടെ സഭ പാസാക്കി.രാവിലെ തന്നെ സഭ ചേര്‍ന്നപ്പോള്‍ ഇന്നലത്തെ സംഭവത്തെ വെങ്കയ്യ നായിഡു അപലപിച്ചു. ഇന്നലത്തെ സംഭവങ്ങളെ ജനാധിപത്യത്തിന്‍റെ കറുത്ത ദിനമെന്ന് അദ്ദേഹം വിശേഷിപ്പിക്കുകയും ചെയ്തു. തന്‍റെ പ്രസംഗം തടസപ്പെടുത്തി ബഹളംവച്ച ഡെറിക് ഒബ്രിയനോട് ഇരിക്കാന്‍ അധ്യക്ഷന്‍ ആവശ്യപ്പെട്ടു. ഇതിനു പിന്നാലെ എട്ട് അംഗങ്ങളെ എട്ട് ദിവസത്തേക്ക് സസ്പെന്‍ഡ് ചെയ്യുന്നതായി രാജ്യസഭാ അധ്യക്ഷന്‍ വെങ്കയ്യ നായിഡു പ്രഖ്യാപിച്ചു. നടുത്തളത്തിലിറങ്ങിയും സ്പീക്കറുടെ ചേംബറിനു മുന്നില്‍ മൈക്ക് പിടിച്ചുവലിച്ചും ബില്ലിന്‍റെ പകര്‍പ്പുകള്‍ വലിച്ചുകീറിയെറിഞ്ഞുമൊക്കെയായിരുന്നു ഇന്നലെ പ്രതിപക്ഷം പ്രതിഷേധം അരങ്ങേറിയത്.
നാലു മണിക്കൂര്‍ നിശ്ചയിച്ചിരുന്ന ചര്‍ച്ച ബില്‍ പാസാക്കിയെടുക്കുന്നതിനായി ഉപാധ്യക്ഷന്‍ നീട്ടിക്കൊണ്ടുപോയതും പ്രതിപക്ഷ പ്രതിഷേധത്തിനിടയാക്കി. രാജ്യസഭയില്‍ ഇന്നലെയുണ്ടായ സംഭവങ്ങള്‍ നിര്‍ഭാഗ്യകരമാണെന്ന് അദ്ദേഹം പറഞ്ഞു. സഭയെ അവഹേളിക്കുന്ന തരത്തിലുള്ള പെരുമാറ്റം ചില അംഗങ്ങളുടെ ഭാഗത്തു നിന്നുണ്ടായി. എംപിമാരുടെ പെരുമാറ്റം അപലപനീയമെന്നും വെങ്കയ്യ നായിഡു കൂട്ടിച്ചേര്‍ത്തു.എന്നാല്‍ പ്രതിഷേധം തുടര്‍ന്ന ഡെറിക് ഒബ്രിയനോട് പുറത്തേക്ക് പോകാന്‍ ആവശ്യപ്പെടുകയും ചെയ്തു.
എംപിമാര്‍ക്കെതിരായ നടപടിയില്‍ പ്രതിഷേധിച്ച്‌ പ്രതിപക്ഷ അംഗങ്ങള്‍ ബഹളംവച്ചതോടെ സഭ രാവിലെ 10 വരെ നിര്‍ത്തിവച്ചു.അതേസമയം, രാജ്യസഭയില്‍ ചട്ടലംഘനം നടത്തി പക്ഷപാതപരമായി പ്രവര്‍ത്തിച്ചെന്നാരോപിച്ച്‌ രാജ്യസഭാ ഉപാധ്യക്ഷന്‍ ഹരിവംശ് നാരായണ്‍ സിംഗിനെതിരേ പ്രതിപക്ഷം കൊണ്ടുവന്ന അവിശ്വാസപ്രമേയം തള്ളി. പതിമൂന്ന് രാഷ്ട്രീയ പാര്‍ട്ടികളാണ് ഉപാധ്യക്ഷനെതിരേ അവിശ്വാസ പ്രമേയത്തിന് നോട്ടീസ് നല്‍കിയത്. ഇതു മുന്നില്‍ക്കണ്ടാണ് പ്രതിഷേധിച്ച പ്രതിപക്ഷ എംപിമാര്‍ക്കെതിരേ കേന്ദ്രസര്‍ക്കാര്‍ പ്രമേയം കൊണ്ടുവന്നത്.സഭാചട്ട പുസ്തകവുമായി സ്പീക്കറുടെ ചേംബറിലേക്ക് തൃണമൂല്‍ എംപി ഡെറിക് ഒബ്രിയന്‍ ഇരച്ചുകയറി റൂള്‍ ബുക്ക് വലിച്ചു കീറാന്‍ ശ്രമിച്ചു.
ബില്ലി ന്മേലുള്ള ചര്‍ച്ചയ്ക്കു മറുപടി നല്‍കുന്നത് ഇന്നത്തേക്കു മാറ്റിവയ്ക്കണമെന്നു പ്രതിപക്ഷ നേതാവ് ഗുലാം നബി ആസാദ് ആവശ്യപ്പെട്ടിരുന്നു.ബില്‍ പാസായതിനു ശേഷവും പ്രതിപക്ഷ എംപിമാര്‍ രാജ്യസഭയില്‍നിന്നു പുറത്തിറങ്ങാന്‍ കൂട്ടാക്കാതെ അകത്തു ധര്‍ണയിരുന്നു പ്രതിഷേധിച്ചു. ലോക്സഭയില്‍ പാസായ മൂന്നു കാര്‍ഷിക ബില്ലുകളില്‍ രണ്ടെണ്ണമാണ് രാജ്യസഭയില്‍ പാസായത്. സര്‍ക്കാരിനു ഭൂരിപക്ഷമില്ലാത്ത രാജ്യസഭയില്‍ ചട്ടങ്ങള്‍ അട്ടിമറിച്ചാണു ബില്ലുകള്‍ പാസാക്കിയതെന്നു പ്രതിപക്ഷം കുറ്റപ്പെടുത്തി.
Post Your Comments