ന്യൂഡല്ഹി : രാജ്യത്ത് എഴുന്നൂറിലേറെ ജില്ലകളുണ്ടെങ്കിലും 7 സംസ്ഥാനങ്ങളിലെ 60 ജില്ലകളില് മാത്രമാണ് കോവിഡ് രൂക്ഷമായിട്ടുള്ളതെന്ന് പ്രധാനമന്ത്രി നരേന്ദ്ര മോദി. കോവിഡ് കൂടുതലുള്ള 7 സംസ്ഥാനങ്ങളിലെ മുഖ്യമന്ത്രിമാരുമായി വിഡിയോ കോണ്ഫറന്സിലൂടെ ചര്ച്ച നടത്തുകയായിരുന്നു പ്രധാനമന്ത്രി. സംസ്ഥാന ആരോഗ്യ മന്ത്രിമാരും പങ്കെടുത്തു.
മഹാരാഷ്ട്ര, ആന്ധ്രപ്രദേശ്, കര്ണാടക, ഉത്തര്പ്രദേശ്, തമിഴ്നാട്, ഡല്ഹി, പഞ്ചാബ് എന്നീ സംസ്ഥാനങ്ങളിലെ മുഖ്യമന്ത്രിമാരാണു യോഗത്തില് പങ്കെടുത്തത്. നിലവില് രാജ്യത്തെ ആകെ സജീവ കോവിഡ് രോഗികളുടെ കണക്കില് 63 ശതമാനവും ഈ ഏഴു സംസ്ഥാനങ്ങളിലാണ്. രാജ്യത്തെ ആകെ കോവിഡ് ബാധിതരുടെ 65.5 ശതമാനവും മരണനിരക്കില് 77 ശതമാനവും ഈ സംസ്ഥാനങ്ങളിലാണ്. ഇന്ത്യയില് ആകെ കോവിഡ് ബാധിതര് 56 ലക്ഷം പിന്നിട്ടു, 45 ലക്ഷം പേര് രോഗമുക്തി നേടി.
Post Your Comments