Latest NewsIndiaEntertainment

സുശാന്ത് സിംഗ് രാജ്പുത്തിന്റെ മരണം; എയിംസിലെ വിദഗ്ധസംഘം റിപ്പോര്‍ട്ട് കൈമാറി, കൊലപാതക സാധ്യത തള്ളിക്കളയുന്നില്ലെന്ന് സിബിഐ

ന്യൂഡല്‍ഹി : നടന്‍ സുശാന്ത് സിംഗ് രാജ്പുത്തിന്റെ മരണവുമായി ബന്ധപെട്ട് ഓള്‍ ഇന്ത്യ ഇന്‍സ്റ്റിട്യൂട്ടിലെ ഡോക്ടര്‍മാരുടെ റിപ്പോര്‍ട്ട് അന്വേഷണ സംഘത്തിന് കൈമാറി. സി ബി ഐ യുടെ പ്രത്യേക ആവശ്യപ്രകാരം ആയിരുന്നു എയിംസിലെ വിദഗ്ധര്‍ പോസ്റ്റ് റിപ്പോര്‍ട്ട് പരിശോധിച്ചു വിശകലനം നടത്തിയത്.

ഡോ. സുധീര്‍ ഗുപ്തയുടെ നേതൃത്വത്തില്‍ ഉള്ള സംഘമാണ് റിപ്പോര്‍ട്ട് തയ്യാറാക്കി അന്വേഷണ ഉദ്യോഗസ്ഥര്‍ക്കു കൈമാറിയതെന്ന് എന്‍ ഡി ടി വി റിപ്പോര്‍ട്ട് ചെയ്തു. ഡോക്ടര്‍മാരുടെ റിപ്പോര്‍ട്ട് വിശദമായി പഠിക്കും. കേസിലെ നിര്‍ണായകമായ വിലയിരുത്തല്‍ ആയിരിക്കും ഈ റിപ്പോര്‍ട്ട്. അതെ സമയം കേസിൽ എല്ലാ സാധ്യതകളും പരിശോധിക്കുമെന്നു സിബിഐ വ്യക്തമാക്കി.

read also: ചൈനയില്‍ റമദാന്‍ നോമ്പിന് പോലും നിരോധനം, ഞെട്ടിപ്പിക്കുന്ന വെളിപ്പെടുത്തലുമായി വൈഗൂര്‍ നേതാവ്

കൊലപാതക സാധ്യതയും തള്ളിക്കളയുന്നില്ലെന്ന് അവർ പറഞ്ഞു. ജൂണ്‍ 14 നാണ് നടന്‍ സുശാന്ത് സിംഗ് രാജ്പുതിനെ മുബൈയിലെ ഫ്‌ളാറ്റില്‍ മരിച്ച നിലയില്‍ കണ്ടെത്തിയത്. അതെ സമയം അന്വേഷണസംഘം കേസ് വൈകിപ്പിക്കുന്നുവെന്നു സുശാന്തിന്റെ അഭിഭാഷകന്‍ ആരോപിച്ചു.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button