മുംബൈ: ഓഹരി വിപണിയില്‍ റിലയൻസിനെ തോൽപ്പിക്കാനൊരുങ്ങി ടിസിഎസ്. മുകേഷ് അംബാനിയുടെ റിലയന്‍സ് ഇന്‍ഡസ്ട്രീസിന് ശേഷം 10 ലക്ഷം വിപണിമൂല്യമുള്ള കമ്ബനിയായി മാറുകയാണ് ഐ.ടി ഭീമന്‍ ടി.സി.എസ്. ഓഹരി വിപണിയില്‍ ടി.സി.എസിെന്‍റ ഷെയറുകള്‍ കുതിച്ചതാണ് കമ്പനിക്ക് തുണയായത്. തിങ്കളാഴ്ച രാവിലെ നടന്ന വ്യപാരത്തില്‍ ആറ് ശതമാനമാണ് ടി.സി.എസ് ഓഹരികള്‍ക്കുണ്ടായ നേട്ടം. ബി.എസ്.ഇയില്‍ 6.18 ശതമാനം നേട്ടത്തോടെ 2678.80 രൂപയിലേക്ക് ടി.സി.എസ് എത്തിയിരുന്നു.
സെപ്തംബറിൽ ഒമ്പത് ലക്ഷം വിപണി മൂല്യം നേടുന്ന രണ്ടാമത്തെ കമ്പനിയായി ടി.സി.എസ് മാറിയിരുന്നു. ഇതിന് പിന്നാലെയാണ് പുതിയ നേട്ടവും കമ്പനിയെ തേടിയെത്തുന്നത്. ഓഹരി വില കുതിച്ചതോടെ കമ്പനിയുടെ വിപണി മൂല്യം 10,03,012.43ലേക്ക് എത്തി. നേരത്തെ ഒക്ടോബര്‍ ഏഴിന് ബോര്‍ഡ് യോഗം നടക്കുമെന്ന് ടി.സി.എസ് ഓഹരി വിപണിയില്‍ അറിയിച്ചിരുന്നു. ഈ യോഗത്തില്‍ ഓഹരി ഉടമകള്‍ക്കുള്ള ഇടക്കാല ലാഭവിഹിതം പ്രഖ്യാപിക്കുമെന്നാണ് സൂചന.
Post Your Comments