ആ​രോ​ഗ്യ​നി​ല​യി​ൽ പു​രോ​ഗ​തി; ട്രം​പിനെ ഇന്ന് ഡിസ്ചാർജ് ചെയ്യുമെന്ന് സൂചന

വാ​ഷിം​ഗ്ട​ണ്‍ ഡി​സി: കോ​വി​ഡ് ബാ​ധി​ത​നാ​യി ചി​കി​ത്സ​യി​ൽ ക​ഴി​യു​ന്ന അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ ആ​രോ​ഗ്യ​നി​ല​യി​ൽ വ​ലി​യ പു​രോ​ഗ​തി​യു​ണ്ടെ​ന്ന് ഡോ​ക്ട​ർ​മാ​ർ. തി​ങ്ക​ളാ​ഴ്ച​യോ​ടെ അ​ദ്ദേ​ഹ​ത്തി​ന് ആ​ശു​പ​ത്രി വി​ടാ​നാ​കു​മെ​ന്ന് ഡോ​ക്ട​ർ​മാ​ർ പ​റ​ഞ്ഞു. അ​തേ​സ​മ​യം, ര​ണ്ട് ത​വ​ണ ട്രം​പി​ന്‍റെ ര​ക്ത​ത്തി​ലെ ഓ​ക്സി​ജ​ന്‍റെ അ​ള​വ് കു​റ​ഞ്ഞി​രു​ന്ന​താ​യി വൈ​റ്റ് ഹൗ​സി​ലെ ഡോ​ക്ട​ർ​മാ​ർ അ​റി​യി​ച്ചു.

Read also: കുടുംബ വഴക്ക്: അമ്മാവന്റെ കുത്തേറ്റ് മരുമകൻ കൊല്ലപ്പെട്ടു

കോ​വി​ഡ് സ്ഥി​രീ​ക​രി​ച്ച​തി​നെ​ത്തു​ട​ർ​ന്ന് വെ​ള്ളി​യാ​ഴ്ച​യാ​ണ് 74കാരനായ ട്രം​പി​നെ വാഷിംഗ്ടണിനടുത്തുള്ള വാൾട്ടർ റീഡ് മിലിട്ടറി മെഡിക്കൽ സെൻററിൽ പ്ര​വേ​ശി​പ്പി​ച്ച​ത്. ട്രംപിന്റെ ഉപദേശക ഹോപ് ഹിക്‌സിന് കൊറോണ സ്ഥിരീകരിച്ചതിന് പിന്നാലെ നടത്തിയ സ്രവ പരിശോധനയിലാണ് ട്രംപിനും ഭാര്യ മെലാനിയ ട്രംപിനും കൊറോണ പോസിറ്റീവായത്.

കോവിഡ്​ വൈറസിനെതിരായ പോരാട്ടത്തിൽ താൻ സുഖം പ്രാപിച്ചു വരുന്നതായി​ ട്രംപ്​ തന്നെ ഞായറാഴ്​ച പുലർച്ചെ ട്വിറ്ററിൽ പങ്കുവെച്ച വിഡിയോയിലൂടെ അറിയിച്ചിരുന്നു.