അമേരിക്കയിൽ കോവിഡ് സ്ഥിരീകരിച്ചവർ 80 ല​ക്ഷ​ത്തിേ​ലേ​ക്ക് അടുക്കുന്നു

വാഷിംഗ്ടൺ ഡിസി : അമേരിക്കയിൽ ആശങ്ക അകലുന്നില്ല കോവിഡ് സ്ഥിരീകരിച്ചവർ 80 ല​ക്ഷ​ത്തിേ​ലേ​ക്ക് അടുക്കുന്നു. ക​ഴി​ഞ്ഞ 24 മ​ണി​ക്കൂ​റി​നി​ടെ 50,233 പേ​ർ​ക്ക് പുതുതായി കോവിഡ് ബാധിച്ചു, 634 പേ​ർ മ​രിച്ചു. ഇതോടെ രാ​ജ്യ​ത്ത് കോവിഡ് സ്ഥിരീകരിച്ചവരുടെ ആകെ എണ്ണം 7,944,862ഉം, മരണസംഖ്യ 219,281ഉം ആയി. രോഗമുക്തി നേടിയവരുടെ എണ്ണം 5,085,449ആയി ഉയർന്നു.

Also read : സൗദിയിൽ കോവിഡ് ബാധിച്ച് മരിച്ചവർ 5000 പിന്നിട്ടു

രോ​ഗ​ബാ​ധ​യി​ൽ മു​ന്നി​ട്ട് നി​ൽ​ക്കു​ന്ന സംസ്ഥാനങ്ങൾ ക​ലി​ഫോ​ർ​ണി​യ, ടെ​ക്സ​സ്, ഫ്ളോ​റി​ഡ, ന്യൂ​യോ​ർ​ക്ക്, ജോ​ർ​ജി​യ, ഇ​ല്ലി​നോ​യി​സ്, നോ​ർ​ത്ത്ക​രോ​ലി​ന, അ​രി​സോ​ണ, ന്യൂ​ജ​ഴ്സി, ടെ​ന്നി​സി എന്നിവയാണ് മുന്നിൽ. കോ​വി​ഡ് മ​ര​ണ​ങ്ങ​ളു​ടെ എ​ണ്ണ​ത്തി​ൽ ന്യൂ​യോ​ർ​ക്കാ​ണ് മു​ന്നി​ൽ . 33,377 പേ​രാ​ണ് ഇ​വി​ടെ മ​ര​ണ​മ​ട​ഞ്ഞ​ത്. ടെ​ക്സ​സ്, ക​ലി​ഫോ​ർ​ണി​യ, ഫ്ളോ​റി​ഡ എ​ന്നീ സം​സ്ഥാ​ന​ങ്ങ​ളാ​ണ് മ​ര​ണ നി​ര​ക്കി​ൽ ന്യൂ​യോ​ർ​ക്കി​ന് പി​ന്നി​ലു​ള്ള​ത്.  24 മ​ണി​ക്കൂ​റി​നി​ടെ ഉ​ണ്ടാ​യ മ​ര​ണ​ങ്ങ​ളു​ടെ എ​ണ്ണ​ത്തി​ൽ ക​ലി​ഫോ​ർ​ണി​യ, ടെ​ക്സ​സ്, ജോ​ർ​ജി​യ എ​ന്നീ സം​സ്ഥാ​ന​ങ്ങ​ളാണ് മുന്നിൽ. ആ​ദ്യ പ​ത്ത് സം​സ്ഥാ​ന​ങ്ങ​ളി​ൽ ര​ണ്ടു ല​ക്ഷ​ത്തി​നു മു​ക​ളി​ലും, പി​ന്നീ​ടു​ള്ള 14 സം​സ്ഥാ​ന​ങ്ങ​ളി​ൽ ല​ക്ഷ​ത്തി​നു മു​ക​ളി​ലുമാണ് കോ​വി​ഡ് ബാ​ധി​ത​രു​ടെ എ​ണ്ണം

ലോകത്ത് കോവിഡ് ബാധിതരുടെ എണ്ണം മൂന്ന് കോടി എഴുപത്തിനാല് ലക്ഷം പിന്നിട്ടു. ഇതുവരെ 3,7450,148 പേർക്കാണ് വൈറസ് ബാധ സ്ഥിരീകരിച്ചത്. 10,77,218 പേർ മരണമടഞ്ഞു. രോഗമുക്തി നേടിയവരുടെ എണ്ണം 2,8099,954 ആയി.

അ​മേ​രി​ക്ക, ഇ​ന്ത്യ, ബ്ര​സീ​ൽ, റ​ഷ്യ, കൊ​ളം​ബി​യ, സ്പെ​യി​ൻ, അ​ർ​ജ​ൻ​റീ​ന, പെ​റു, മെ​ക്സി​ക്കോ, ഫ്രാ​ൻ​സ് എ​ന്നീ രാ​ജ്യ​ങ്ങ​ളാ​ണ് കോ​വി​ഡ് ബാ​ധി​ത​രു​ടെ എ​ണ്ണ​ത്തി​ൽ ആ​ദ്യ പ​ത്തി​ലു​ള്ള​ത്.  പ്ര​തി​ദി​ന രോ​ഗി​ക​ളു​ടെ വ​ർ​ധ​ന​വി​ൽ ഇ​ന്ത്യ​യാ​ണ് മു​ന്നി​ൽ 24 മ​ണി​ക്കൂ​റി​നി​ടെ 74,535 പേ​ർ​ക്കാ​ണ് ഇ​ന്ത്യ​യി​ൽ വൈ​റ​സ് ബാ​ധി​ച്ച​ത്. ഇതോടെ രാജ്യത്ത് കൊവിഡ് ബാധിതരുടെ എണ്ണം എഴുപത് ലക്ഷം പിന്നിട്ടു. മരണസംഖ്യ 1.08 ലക്ഷം കടന്നു. കഴിഞ്ഞ ദിവസം 82,753 പേർ രോഗമുക്തരായി.