ഇത് സ്വപ്ന വീട്; 100 കോടി രൂപയ്ക്ക് കടലിനോട് ചേര്‍ന്നുള്ള വീട് സ്വന്തമാക്കി ബോളിവുഡ് താരം ഹൃതിക് റോഷൻ; കണ്ണുതള്ളി ആരാധകർ

ഏകദേശം 100 കോടി വിലവരുന്ന അപ്പാര്‍ട്ട്‌മെന്റുകള്‍ ബോളിവുഡ് നടന്‍ ഹൃത്വിക് റോഷന്‍ സ്വന്തമാക്കിയതായി റിപ്പോര്‍ട്ട്. മുംബൈയില്‍ കടലിനോട് ചേര്‍ന്നുള്ള രണ്ട് വീടുകളാണ് താരം വാങ്ങിയത്. ഡ്യുപ്ലക്‌സ് പെന്റ്ഹൗസ് ആണ് ഒന്ന്. ഒറ്റനിലയിലുള്ള വീടാണ് മറ്റൊരെണ്ണം

ഈ അപ്പാര്‍ട്ട്‌മെന്റുകള്‍ ഈ ആഴ്ച ആദ്യമാണ് കരാര്‍ എഴുതിയത്. അറബി കടലിനെ അഭിമുഖമാക്കിയുള്ളതാണ് വീട്. 38000 സ്‌ക്വയര്‍ ഫീറ്റുള്ള അപ്പാര്‍ട്ട്‌മെന്റില്‍ 6500 സ്‌ക്വയര്‍ ഫീറ്റ് ടെറസ് ഉണ്ടെന്നാണ് മുംബൈ മിറര്‍ റിപ്പോര്‍ട്ട് ചെയ്യുന്നത്. 10 പാര്‍കിങ് സ്‌പോര്‍ടുകളും കുടുംബത്തിന് ലഭിക്കും. ജുഹു- വെര്‍സോവ ലിങ്ക് റോഡിലാണ് വീടുകള്‍ ഉള്ളത്.

ഏകദേശം 67.5 കോടി രൂപയ്ക്കാണ് ഡ്യുപ്ലക്‌സ് സ്വന്തമാക്കിയത്. ഇത് 27534 സ്‌ക്വയര്‍ ഫീറ്റിലുള്ളതാണ്. 14ാം നിലയിലെ അപ്പാര്‍ട്ട്‌മെന്റ് 11165 സ്‌ക്വയര്‍ ഫീറ്റുണ്ട്. 2020 ജൂണില്‍ ഹൃത്വിക് റോഷന്‍ ജുഹുവില്‍ ഒരു അപ്പാര്‍ട്ട്‌മെന്റ് വാടകയ്ക്ക് എടുത്തിരുന്നു. മാസം 8.25 ലക്ഷമായിരുന്നു വാടക. അടുത്തിടെ കടലിനോട് ചേര്‍ന്നുള്ള അപ്പാര്‍ട്ട്‌മെന്റില്‍ നിന്നുള്ള നിരവധി ചിത്രങ്ങളാണ് താരം സോഷ്യല്‍ മീഡിയയില്‍ പോസ്റ്റ് ചെയ്തത്.